ઘણીવાર કેટલાક લોકોને એવું થાય છે કે તેઓને સવારે ઉઠતાની સાથે જ ભૂખ લાગી જાય છે. એવું લાગે છે કે પેટ અચાનક ખાલી થઈ ગયું છે. રાત્રે ભરપેટ ભોજન કર્યા પછી પણ સવારે પેટ સંપૂર્ણપણે ખાલી લાગે છે. જાણે શરીરમાં તાકાત નથી. જો એવું થતું હોય તો ચિંતા કરવાની જરૂર નથી, તમે એકમાત્ર વ્યક્તિ નથી જેને આવી સમસ્યા છે. જ્યારે સવારે પેટ ખાલી હોય છે, ત્યારે વ્યક્તિ થાક અને નબળાઈ અનુભવે છે. આવું થવા પાછળ ઘણા વૈજ્ઞાનિક કારણો છે. બ્લડ શુગર લેવલ અને હોર્મોન્સમાં વધઘટ એ ભૂખ લાગવાનું કારણ છે.

સવારે ઉઠ્યા પછી ભૂખ લાગવાના કારણો

જ્યારે રાત્રે ખોરાક લો છો, ત્યારે લોહીમાં શુગર લેવલ અચાનક ઝડપથી વધી જાય છે. પરંતુ થોડા સમય પછી તે ધીમે ધીમે ઘટવા લાગે છે કારણકે ખોરાક પચી જાય છે. શુગર લેવલ ઘટતાં જ પાછી ભૂખ લાગે છે. જો તમે રાત્રિભોજનમાં વધુ પડતું મીઠું ખાઓ છો, તો તમારું શરીર ડીહાઇડ્રેટ થવા લાગે છે. જેના કારણે તરસ વધુ લાગે છે અને ભૂખ પણ લાગે છે.

સવારે ઉઠતાની સાથે જ તમારે 2 ગ્લાસ પાણી પીવું જોઈએ

'જર્નલ ન્યુટ્રિએન્ટ્સ'ના એક રિપોર્ટ અનુસાર રાત્રે ડિનર ખાધા પછી સ્વાદુપિંડમાં વધુ ઇન્સ્યુલિન ઉત્પન્ન થાય છે. વધુ પડતું ઇન્સ્યુલિન લોહીમાં સુગર લેવલ ઘટાડે છે. જો તમે રાત્રે ખૂબ જ સોડિયમ ખાઓ છો તો તમારું શરીર ડીહાઇડ્રેટ થવા લાગે છે. જે પાછળથી ભૂખમાં ફેરવાઈ જાય છે. સવારે ઉઠતાની સાથે જ તમારે ઓછામાં ઓછું 2 ગ્લાસ પાણી પીવું જોઈએ.

રાત્રે વહેલું ભોજન લેવું શા માટે મહત્વનું?

સવારે ઉઠ્યા પછી ભૂખ લાગવી એ કોઈ બીમારી નથી પરંતુ તેનું વૈજ્ઞાનિક કારણ છે. સવારે ઉઠતાની સાથે જ ભૂખ ન લાગે તે માટે તમારે આ બાબતોનું ખાસ ધ્યાન રાખવું જોઈએ. સૌથી પહેલા તો મોડી રાત્રે ભોજન ન કરવું. જો આવી આદત હોય તો તેને સંપૂર્ણપણે છોડી દો. કારણકે તે તમારા સ્વાસ્થ્ય માટે ખૂબ જ જોખમી છે. તમારે સૂવાના 2 કલાક પહેલા ખોરાક લેવો જોઈએ. આનાથી તમારો ખોરાક સરળતાથી પચી જાય છે. આનાથી તમને સવારે ઉઠતાની સાથે જ ભૂખ લાગવાની સમસ્યા નહીં થાય.

ખોરાક ખાધા પછી અડધો કલાક ચાલવું જોઈએ. જમ્યા પછી ચાલવાથી ખોરાક સરળતાથી પચી જાય છે. તે તમારા પાચન તંત્ર માટે પણ ખૂબ સારું છે. રાત્રે વહેલા ખોરાક લેવાનો પ્રયત્ન કરવો જોઈએ, આ તમને પાચન સાથે સંબંધિત સમસ્યાઓથી બચાવશે.