ચહેરા પર ડિમ્પલ્સ હોવા એ કુદરતી સૌંદર્યનો એક ભાગ છે. ખાસ કરીને જે છોકરીઓને ડિમ્પલ્સ હોય છે, તેમની સુંદરતામાં વધારો થાય છે. એવું પણ કહેવાય છે કે જે લોકોમાં ડિમ્પલ હોય છે તેઓ ખૂબ ભાગ્યશાળી હોય છે પરંતુ આ એક માન્યતા છે. શું જાણો છો કે ગાલ સિવાય શરીરના અન્ય કયા ભાગોમાં ડિમ્પલ જોવા મળે છે અને તેની પાછળનું કારણ શું છે?

ડિમ્પલ્સને કારણે સ્માઈલમાં નિખાર આવે છે

જોયું જ હશે કે જે છોકરીઓના ડિમ્પલ્સ હોય છે તેઓ હસતી વખતે વધુ સુંદર દેખાય છે. ઘણા લોકો એવું પણ વિચારે છે કે કાશ તેમને પણ ડિમ્પલ્સ હોય પરંતુ એ પહેલા એ જાણવું પણ જરૂરી છે કે ડિમ્પલ હોવાનું કારણ ફક્ત આનુવંશિક નથી પણ તે સ્નાયુઓ સાથે પણ સંબંધિત છે. દુનિયાભરમાં ઘણા પુરુષ અને સ્ત્રી સેલિબ્રિટી સ્ટાર્સ છે જે તેમના ડિમ્પલ સ્માઇલ માટે ખૂબ પ્રખ્યાત છે.

ડિમ્પલ જિનેટિક છે

કેટલાક લોકો માને છે કે ડિમ્પલ્સ વારસાગત હોય છે, જે પહેલી પેઢીથી બીજી પેઢીને વારસામાં મળે છે. જોકે, ઘણી વખત એવું જોવા મળ્યું છે કે માતાપિતાના ગાલ પર ડિમ્પલ હોય છે પણ બાળકોના ગાલ પર નહીં.

શું સ્નાયુઓને કારણે ડિમ્પલ બને છે?

આ ઉપરાંત, કેટલાક લોકો માને છે કે ગાલમાં હાજર સ્નાયુ અન્ય કરતા નાના હોય છે, આ જ કારણ છે કે ગાલ પર ડિમ્પલ્સ દેખાય છે. ગાલ પરના આ સ્નાયુને ઝાયગોમેટિકસ કહેવામાં આવે છે. જો આ સ્નાયુ વિભાજીત થાય અથવા નાના થઈ જાય, તો ગાલ પર ડિમ્પલ્સ થઈ શકે છે. ચહેરા પરના ડિમ્પલ્સ સુંદરતામાં વધારો કરે છે.

શરીરના કયા ભાગોમાં ડિમ્પલ્સ દેખાય છે?

ગાલ સિવાય, શરીરમાં ફક્ત એક જ જગ્યાએ ડિમ્પલ બને છે. હકીકતમાં, ગાલ ઉપરાંત ચહેરાની ચીન(ચહેરાની દાઢીનો ભાગ/હડપચી) પર પણ ડિમ્પલ્સ બને છે. માહિતી અનુસાર, ચીન પરના ડિમ્પલ્સ આનુવંશિક નથી પરંતુ હાડકાં એકબીજા સાથે જોડાયેલા ન હોવાને કારણે બને છે. વિજ્ઞાન અનુસાર, ઘણી વખત માતાના ગર્ભમાં ઉછરતા બાળકની ચીનની ડાબી અને જમણી બાજુના હાડકાં એકબીજા સાથે જોડાતા નથી, જેના કારણે ડિમ્પલ્સ થાય છે. ગાલ અને ચીન સિવાય શરીરના કોઈપણ ભાગ પર ડિમ્પલ્સ દેખાઈ શકતા નથી.