પોરબંદરમાં મહાનગરપાલિકા દ્વારા ૧૩૨ જેટલા કોન્ટ્રાક્ટ બેઝ સફાઈ કામદારને છુટા કરી દેવાતા તેના ઉપવાસ આંદોલનને જિલ્લા કોળી સેનાએ ટેકો જાહેર કર્યો છે અને તેઓને કામ પર લેવા માંગ કરી છે.
પોરબંદરમાં સફાઈ કામદારો દ્વારા ચાલતા પ્રતિક ઉપવાસમાં પોરબંદર જિલ્લા કોળી સેના દ્વારા મુલાકાત કરી સફાઈ કામદારોને પોતાની માંગણીને ખુલ્લુ સમર્થન આપેલ છે 
પોરબંદર જિલ્લા કોળી સેના પ્રમુખ મનોજ આર મકવાણાની સાથે ભગવાનજીભાઈ ચાવડા,સંજય સોલંકી હેમત મોકરીયા,ભુપત ડાભી, હિતેશ વાજા,કેશુ બામણીયા, દિલીપભાઈ બામણીયા સાથે રહ્યા હતા અને સફાઈ કામદારોના સમર્થનમાં પોરબંદર મહાનગરપાલિકા કમિશ્ર્નરને આવેદનપત્ર આપ્યુ હતુ અને પોરબંદરને સ્વચ્છ રાખવા આ સફાઈ કામદારોને તાત્કાલિક ધોરણે પુન: નોકરી પર લેવા કમિશ્ર્નર પાસે માંગણી કરી હતી.