વાહન ચાલકોની ફ્રી આંખની તપાસણી તથા ચશ્મા વિતરણ કાર્યક્રમ: એસ.ટી. બસમાં અવેરનેશ પ્રેઝન્ટેશન કરાયું

દેવભૂમિ દ્વારકા જિલ્લાના એસપી નિતેશ પાંડેયની સુચના મુજબ તેમજ ના.પો.અધિક્ષક હાર્દિક પ્રજાપતિ ખંભાળિયા વિભાગના સુપરવિઝન હેઠળ જીલ્લા ટ્રાફિક શાખા પીએસઆઇ વી.એમ.સોલંકી તથા ટ્રાફિક પોલીસ દ્વારા રાષ્ટ્રીય માર્ગ સલામતી માસ 2024 અંતર્ગત ખંભાળિયા-જામનગર હાઇવે રોડ ટોલનાકા પાસે ફ્રી આઈ ચેક અપ તથા ચશ્મા વિતરણનો કાર્યક્રમ યોજવામાં આવેલ હતો.

દેવભુમી દ્વારકા ટ્રાફિક પોલીસ દ્વારા લોકોમાં જાગૃતી આવે એ માટે નવતર અભિગમ સાથે અવેરનેશ પીપીટી પ્રેઝન્ટેશન કરવામાં આવી રહયું છે, ટ્રાફિક પોલીસ દ્વારા એસટી બસમાં મુસાફરોને અકસ્માતોથી બચવા અને ટ્રાફિક નિયમન અંગે માર્ગદર્શન સમજ આપવામાં આવી હતી, મુસાફરોને ચા પણ પિવડાવવામાં આવી હતી અને નવતર પ્રકારનો અવેરનેશ સાથેનું પ્રેઝન્ટેશન રજુ કર્યુ હતું.

જેમાં એસટી બસ ડ્રાઈવર તથા ટ્રક ચાલકો તથા અન્ય વાહન ચાલકો એમ કુલ 176 વાહન ચાલકોની આંખના ડોક્ટર રાયમંગીયા તથા તેઓની ટીમ દ્વારા આઇ ચેકઅપ તથા ચેક અપ દરમિયાન 58 જેટલા વાહન ચાલકોને નંબર જણાતા ફ્રી માં ચશ્મા વિતરણ કરવામાં આવેલ હતું, તેમજ વાહન ચાલકોને ટ્રાફિક રૂલ્સ બાબતે અવેરનેસ આવે તે માટે ટ્રાફિક રુલ્સ અંગેની પત્રિકાઓનું પણ વિતરણ કરવામાં આવેલ હતું, અને નિયમો અંગે માહિતગાર કરવામાં આવ્યા હતા, આવી રીતે અલગ અલગ એસટી બસોમાં 300 થી વધારે મુસાફરો સાથે ચા સાથે ચચર્િ કરાઇ હતી.આ કાર્યક્રમમાં ખંભાળિયા આરટીઓ અધિકારી તથા એસટી વિભાગ ખંભાળિયાના ડેપો મેનેજર તેમના સ્ટાફ સાથે તથા લાયન્સ ક્લબ, મહિલા મંડળ ખંભાળિયા તથા લેડીઝ ચેમ્બર ઓફ ખંભાળિયા તથા રઘુવંશી મહિલા મંડળના સભ્યો હાજર રહેલ હતા.