જામનગર શહેરના વોર્ડ નંબર 12 માં વસવાટ કરતા નાગરિકોને સ્થાનિક કોર્પોરેટરો દ્વારા ડસ્ટબિનનું વિતરણ કરવામાં આવ્યું હતું, અને સૂકો-ભીનો કચરો ડસ્ટબીનમાં રાખવા અને તેનો યોગ્ય નિકાલ કરવા માટેનું જરૂરી સુચન કરાયું હતું. જામનગર શહેરના વોર્ડ નંબર 12 માં ઘાંચીની ખડકી નજીક ના વિસ્તારમાં વોર્ડ નંબર 12 ના નગરસેવક અસલમભાઈ ખીલજી તેમજ મહિલા કોર્પોરેટર વકીલ જેનબબેન ખફી દ્વારા લોકોના ઘેર ઘેર ડસ્ટબિનનું વિતરણ કરવામાં આવ્યું હતું. આ વેળા એ તેઓની સાથે સામાજિક કાર્યકર હાજી રિઝવાનભાઈ જુણેજા પણ જોડાયા હતા, અને અંદાજિત 500 થી વધુ ડસ્ટબીનનું વિતરણ કરાયું હતું.