રણવીર સિંહ સ્ટારર ફિલ્મ 'ધુરંધર 2' એ સિનેમાઘરોમાં રિલીઝ થતાની સાથે જ ભૂકંપ લાવી દીધો છે. આ ફિલ્મે માત્ર ત્રણ દિવસમાં જે આંકડા હાંસલ કર્યા છે તે અભૂતપૂર્વ છે. વીકેન્ડ દરમિયાન થિયેટરોમાં પ્રેક્ષકોનો ભારે જનસૈલાબ જોવા મળ્યો હતો, જેના કારણે ફિલ્મે દરરોજ સરેરાશ 100 કરોડની કમાણી કરીને નવો ઇતિહાસ રચ્યો છે.

ત્રણ દિવસની તોફાની કમાણીના આંકડા
ફિલ્મે રિલીઝ પહેલા જ પેઇડ પ્રિવ્યૂઝ દ્વારા ₹43 કરોડની કમાણી કરી લીધી હતી. રિલીઝ બાદના ત્રણ દિવસના આંકડા નીચે મુજબ છે:

પ્રથમ દિવસ: ₹102.55 કરોડ

બીજો દિવસ: ₹80.72 કરોડ

ત્રીજો દિવસ: ₹113 કરોડ (ભારતમાં કોઈપણ ફિલ્મની એક દિવસની અત્યાર સુધીની સૌથી વધુ કમાણી)

કુલ ભારતીય નેટ કલેક્શન: સેકનિલ્કના રિપોર્ટ મુજબ, 3 દિવસમાં ફિલ્મે ₹339.27 કરોડની કમાણી કરી છે.

વર્લ્ડવાઇડ કલેક્શન અને સાઉથમાં જલવો
વિશ્વભરમાં પણ 'ધુરંધર 2' નો દબદબો જોવા મળી રહ્યો છે. બે દિવસમાં ફિલ્મે વર્લ્ડવાઇડ ₹370 કરોડની કમાણી કરી હતી, જે ત્રીજા દિવસના આંકડા ઉમેરતા આશરે ₹483 કરોડ પર પહોંચી છે. નોંધપાત્ર બાબત એ છે કે, હિન્દી બેલ્ટની સાથે સાથે દક્ષિણ ભારતમાં પણ ફિલ્મને જબરદસ્ત પ્રતિસાદ મળી રહ્યો છે. તેલુગુ અને તમિલ વર્ઝન દ્વારા ફિલ્મે ₹7 કરોડથી વધુનું કલેક્શન કર્યું છે.

રણવીર સિંહ બન્યા બોક્સ ઓફિસના અસલી 'ધુરંધર'
આ ફિલ્મની સફળતા સાથે રણવીર સિંહે સાબિત કરી દીધું છે કે તે વર્તમાન સમયના સૌથી મોટા સુપરસ્ટાર છે. તેમણે સલમાન ખાન, શાહરૂખ ખાન, આમિર ખાન, રણબીર કપૂર અને અજય દેવગન જેવા દિગ્ગજ કલાકારોના ઓપનિંગ ડે રેકોર્ડ્સને પાછળ છોડી દીધા છે. ફિલ્મના પ્રથમ ભાગ કરતા બીજા ભાગને અનેકગણી મોટી ઓપનિંગ મળી છે.

સ્ટાર કાસ્ટ અને દિગ્દર્શનનો જાદુ
આદિત્ય ધરના દિગ્દર્શનમાં બનેલી 'ધુરંધર 2' ની વાર્તા અને સ્ક્રિપ્ટ પ્રેક્ષકોને જકડી રાખે તેવી છે. ફિલ્મમાં રણવીર સિંહ ઉપરાંત અન્ય કલાકારોના અભિનયના પણ ભારોભાર વખાણ થઈ રહ્યા છે:

અર્જુન રામપાલ: પાવરફુલ નેગેટિવ રોલ.

સંજય દત્ત: ધમાકેદાર સ્ક્રીન પ્રેઝન્સ.

​​​​​​​આર. માધવન અને રાકેશ બેદી: અત્યંત પ્રભાવશાળી અભિનય.

જે પ્રકારે આ ફિલ્મ આગળ વધી રહી છે, તે જોતા નિષ્ણાતો માની રહ્યા છે કે આ ફિલ્મ ખૂબ જ જલ્દી 1000 કરોડના ક્લબમાં સામેલ થઈ જશે.