રાજકોટ ભકિતનગર પોલીસ સ્ટેશનના એકટીવા ચોરીના ગુનામા નાસતા ફરતા આરોપીને ધ્રોલ પોલીસે પકડી પાડયો હતો.

જામનગર ગ્રામ્ય ડીવાયએસપી આર.બી. દેવધા, પીઆઇ એચ.વી. રાઠોડના માર્ગદર્શન તથા સુચના મુજબ ધ્રોલ પોલીસ સ્ટાફ પેટ્રોલીંગમાં હતા, દરમ્યાન ધ્રોલના પોલીસ હેડ કોન્સ. રાજેશભાઇ મકવાણા, કરણભાઇ શિયારને સંયુકત બાતમી હકીકત મળેલ કે રાજકોટ રહેશ ભકિતનગર પોલીસ સ્ટેશનના કલમ 379 મુજબના ગુનાનો આરોપી છેલ્લા 9 માસથી નાસતો ફરતો હોય જે હાલ ત્રિકોણ બાગ સ્ટેશન ખાતે ઉભો છે તેવી હકીકત મળેલ જેથી બાતમીવાળી જગ્યાએ જતા આરોપી સામીલ અમીન ખલીફા (ઉ.વ.26) રહે. રજવી સોસાયટી, તળાવની પાળ પાસે, ધ્રોલવાળો મળી આવતા આરોપી સામે ધોરણસર કાર્યવાહી કરી હતી. આરોપી વિરુઘ્ધ રાજકોટ ભકિતનગર, ધ્રોલ અને કાલાવડમાં ગુના નોંધાયેલા છે.