જામનગર એસ.ટી. વિભાગ નિયામક દ્વારા લેવાયું પગલું: અધિકારી-કર્મચારીઓમાં ફફડાટ

જામનગર વિભાગીય નિયામક બી.સી. જાડેજા દ્વારા ધ્રોલ ડેપો મેનેજર-બી રફીક શેખને સસ્પેન્ડ કરવાનો હુકમ કર્યો છે, આ હુકમના કારણે અધિકારી-કર્મચારીઓમાં ફફડાટ જોવા મળી રહ્યો છે.
જામનગર મુખ્ય યાત્રિક ઇજનેરના પત્ર નં. એસ.ટી.જી.-એમ.ઇ.-ગ-શાખા ૧૬૦ તા. ર૩/૦૧/ર૦ર૪ ના પત્રમાં જણાવ્યા અનુસાર વાહન નં. જી.જે.૧૮.ઝેડ. પ૩પ૪ અંગે તા. ર૭/૧ર/ર૦ર૩ ના રોજ બાય મેલ દ્વારા સદરહું બસમાં એક પણ મીટર કામ કરતા ન હતા, સીટો ફાટેલી હતી અને નીચે પડી ગયેલી હતી, કેટલીક વીન્ડો લાગેલ ન હતી, જેવી ખામી બાબતની ફરિયાદ કરવામાં આવેલ હતી, જે અન્વયે આ ખામી દૂર ન કરતા વિભાગીય આંતરિક ઇજનેર જામનગરના પત્ર નં. ડીસી-જામ-એમ.ઇ.-૧૦ર તા. ૧૬/૦૧/ર૦ર૪ સુધી પુખ્ત ખામીઓ દૂર ન કરતા વિભાગીય નિયામક એસ.ટી. જામનગર દ્વારા ધ્રોલ ડેપો મેનેજર રફીક શેખને સસ્પેન્ડ કરવાનો હુકમ કર્યો છે.
આ હુકમમાં જણાવ્યા અનુસાર રફીક શેખે વિભાગીય અંતરાયલ એસ.ટી. જામનગર સમક્ષ હાજરી પૂરવાની રહેશે અને આ સસ્પેન્સન્સ દરમ્યાન તેઓને હાલ મળતા પગારના બદલે સર્વિસ રેગ્યુલેશનની કલમ ૮૩-બી મુજબ પ૦ ટકા પગાર અથવા ડેપો મેનેજર-બીની કક્ષાનો મુળ પગાર તે બેમાંથી જે વધારે હોય તે પગાર સબસીટીશન એલાઉન્સ મળશે તેમજ પૂર્વ મંજુરી વગર હેડ કર્વાટર છોડી શકશે નહીં.