હાલાઈ લોહાણા જ્ઞાતિના કાનાણી પરિવારના કુળદેવી શ્રી સિંધવી માતાજીના ગાગા (તા. કલ્યાણપુર) ગામે સ્થિત મંદિરે દર વર્ષની જેમ આ વર્ષે પણ નવરાત્રી ઉત્સવની ધામધૂમપૂર્વક ઉજવણી કરવામાં આવી છે. આ પ્રસંગે શનિવાર તારીખ 12 ના રોજ વિજયા દસમી નિમિત્તે માતાજીના હવનનું પણ સુંદર આયોજન કરવામાં આવ્યું છે. જેમાં સવારે 8:30 વાગ્યે હવનનો પ્રારંભ થશે. બપોરે 12:30 વાગ્યે બીડું હોમવામાં આવશે. ત્યાર બાદ 1 વાગ્યે માતાજીની આરતી, પુષ્પાંજલિ તથા મહાપ્રસાદ સહિતના વિવિધ કાર્યક્રમો યોજવામાં આવ્યા છે. જેનો લાભ લેવા તમામ કાનાણી પરિવારજનોને સિંધવી માતાજીના ભક્ત કાકુભાઈ કાનાણી (ગાગા) તરફથી અપીલ કરવામાં આવી છે.