વોટ્સએપની નવી પ્રાઈવસી પોલીસીને લઈને ચાલી રહેલાં વિવાદ વચ્ચે ભારત સરકાર સ્વદેશી એપ લોન્ચ કરવાની તૈયારીમાં છે. કેન્દ્ર સરકાર સ્વદેશી મેસેજીંગ એપ 'સંદેશ' અને 'સંવાદ' બનાવી રહી છે. ઈલેક્ટ્રોનિક્સ અને સૂચના પ્રૌદ્યોગિકી મંત્રાલય પાસેથી મળેલી માહિતી અનુસાર, ભારતમાં વોટ્સએપ જેવી બે મેસેજીંગ એપનું બીટા ચરણમાં પરિક્ષણ કરવામાં આવી રહ્યું છે. જેનું નામ 'સંવાદ' અને 'સંદેશ' રાખવામાં આવ્યું છે. આ બંને એપ સંપૂર્ણ રીતે ભારત સરકાર દ્વારા બનાવવામાં આવી રહી છે. 
 

અહેવાલ અનુસાર, આ વોટ્સએપની જેમ જ કામ કરશે. તો સરકાર GIMS-સરકારી ઇન્સ્ટન્ટ મેસેજીંગ એપ પર પણ કામ કરી રહી છે. જેનો ઉપયોગ ભારત સરકારના કર્મચારીઓ જ એકબીજા સાથે વાતચીત કરવા માટે કરશે.