આજે વર્ષનો ત્રીજો દિવસ અને રાજધાની દિલ્હી ગાઢ ધુમ્મસમાં લપેટાયેલી છે. જાન્યુઆરી શરૂ થતાંની સાથે જ દિલ્હીમાં ગાઢ ધુમ્મસ જોવા મળી હતી પરંતુ આજે સિઝનની સૌથી વધુ ધુમ્મસ જોવા મળી હતી. પરિસ્થિતિ એવી છે કે રસ્તા, વૃક્ષો અને છોડ બધું જ ગાયબ થઈ ગયું છે. સામેથી ચાલતા વાહનને જોવું પણ મુશ્કેલ બની રહ્યું છે. હાઈવે જેવા વિસ્તારોમાં ખૂબ ગાઢ ધુમ્મસ છે. જોકે, રહેણાંક વિસ્તારોમાં થોડી રાહત છે. એટલું બધી ધુમ્મસ હતી કે રસ્તા પર આવતા વળાંકનો અંદાજ લગાવવો મુશ્કેલ હતો. સવારે 9 વાગ્યાની આસપાસ પણ પરિસ્થિતિ એવી હતી કે લોકોને વાહન ચલાવવા માટે ઈમરજન્સી લાઈટોનો સહારો લેવો પડી રહ્યો છે.
ધુમ્મસના કારણે ટ્રેનોની ગતિ ધીમી પડી છે. દિલ્હી આવતી 24 ટ્રેનો મોડી ચાલી રહી છે અને ફ્લાઈટને પણ અસર થઈ શકે છે. જોકે, દિલ્હી એરપોર્ટનું કહેવું છે કે વિઝિબિલિટી ઘણી ઓછી છે, જોકે અત્યાર સુધી તમામ ફ્લાઈટ્સ સમયસર ચાલી રહી છે પરંતુ મુસાફરોએ તેમની મુસાફરી અંગે એરલાઈન્સ પાસેથી માહિતી લેતા રહેવું જોઈએ.
હવામાન વિભાગના જણાવ્યા અનુસાર, દિલ્હીમાં આજે ખૂબ જ ગાઢ ધુમ્મસ રહેશે અને લઘુત્તમ તાપમાન 8 ડિગ્રી અને મહત્તમ તાપમાન 17 ડિગ્રી સેલ્સિયસ રહી શકે છે. દિલ્હીમાં આગામી દિવસોમાં ઠંડી વધી શકે છે. જાન્યુઆરીમાં તીવ્ર ઠંડી પડવાની ધારણા છે. વિભાગનું એમ પણ કહેવું છે કે વેસ્ટર્ન ડિસ્ટર્બન્સની અસર દિલ્હીમાં સપ્તાહના અંતે જોવા મળી શકે છે, જેના કારણે ઘણા વિસ્તારોમાં હળવો વરસાદ થઈ શકે છે. આ સમયગાળા દરમિયાન લઘુત્તમ તાપમાનમાં પણ વધારો થઈ શકે છે.
હવામાન વિભાગના જણાવ્યા અનુસાર હિમાચલમાં 4 થી 7 જાન્યુઆરી સુધી હિમવષર્િ અને 5 અને 6 જાન્યુઆરીએ ભારે વરસાદની સંભાવના છે. હિમાચલ ઉપરાંત, 5 જાન્યુઆરીએ વિવિધ વિસ્તારોમાં ખાસ કરીને જમ્મુ-કાશ્મીર, લદ્દાખ, ગિલગિટ-બાલ્ટિસ્તાન અને મુઝફ્ફરાબાદમાં ભારે હિમવષર્િ થવાની સંભાવના છે. ઉપરાંત, 4 થી 6 જાન્યુઆરી દરમિયાન દિલ્હી સહિત ઉત્તરીય મેદાનોમાં હળવા વરસાદની સંભાવના છે.
હવામાન આગાહી કરતી એજન્સી અનુસાર, આજે પશ્ચિમ હિમાલયના વિસ્તારોમાં હળવાથી મધ્યમ વરસાદ અને હિમવષર્િ થઈ શકે છે. તમિલનાડુના દરિયાકાંઠાના અલગ-અલગ સ્થળોએ હળવો વરસાદ થઈ શકે છે. પંજાબ, હરિયાણા, ઉત્તર પ્રદેશ અને રાજસ્થાનના કેટલાક ભાગોમાં ગાઢથી ખૂબ ગાઢ ધુમ્મસ રહી શકે છે. ઉત્તર-પશ્ચિમ ભારતમાં લઘુત્તમ તાપમાનમાં નજીવો વધારો થઈ શકે છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકેશોદ-મુંબઈ વિમાની સેવા બંધ થતાં વેપારીઓ અને પર્યટન ક્ષેત્રને ફટકો, પુનઃ શરૂ કરવાની માગ
April 03, 2025 09:09 PMઅમેરિકામાં તોફાનથી ભયંકર તબાહી, લાખો ઘરોની વીજળી ગુલ, પૂર આવવાનો પણ ખતરો
April 03, 2025 09:07 PMલંડનથી મુંબઈ આવી રહેલી ફ્લાઈટ ટર્કી પહોંચી, 200થી વધુ ભારતીયો 15 કલાકથી ફસાયા, જાણો શું છે કારણ
April 03, 2025 09:05 PM4 એપ્રિલની ગાંધીધામ-પાલનપુર-ગાંધીધામ એક્સપ્રેસ આંશિક રીતે રદ રહેશે
April 03, 2025 09:02 PMCopyright © 2023-2024 Aajkaal Daily
Developed by Rhythm Infotech