રાજકોટ મહાનગરપાલિકા દ્રારા આજે શહેરના વિવિધ વિસ્તારોમાં ડિમોલિશન હાથ ધરીને વિવિધ ટીપી સ્કિમોના રિઝર્વેશન હેતુના પ્લોટસમાંથી ૧૬ દબાણો દૂર કરી કુલ ૪૧.૨૫ કરોડની કિંમતની જમીન ખુલ્લી કરવામાં આવી હતી જેમાં (૧) વોર્ડ નં.૧માં રૈયા સિમેન્ટ રોડ પર બાપાસીતારામ ચોક પાસે રામેશ્વર ડેરીની સામે સાત મકાનો, (૨) ઘંટેશ્વરના વર્ધમાન નગરમાં ચાપણીયાની દિવાલ (૩) પામ યુનિવર્સની પાછળ પાટીદાર ચોકમાં એક ઓરડી (૪) રેલ નગરમાં બે ચબૂતરા તથા ગાર્ડનિંગ તેમજ પાણીનો અવેડો (૫) ઢેબર રોડ પર વિરાણી અઘાટ ઇન્ડસ્ટ્રીયલ એરિયામાં એક ચબૂતરો તથા એક ઓટલો તેમજ (૬) કોઠારીયા વિસ્તારમાં સ્વાતિ રોડ પર નવી વોર્ડ ઓફિસ પાસેના પ્લોટમાંથી એક ઓટો ગેરેજ એક કાર સર્વિસ સ્ટેશન એક ઓરડી તેમજ એક પ્લીન્થ સહિતના ૧૬ દબાણો દૂર કરવામાં આવ્યા હતા.