ધોરાજી સરકારી હોસ્પિટલમાં રેડિયોલોજીસ્ટ ડોકટરની જગ્યા લાંબા સમયથી ખાલી હોવાના કારણે દર્દીઓને ભારે હાલાકીનો સામનો કરવો પડી રહ્યો છે. હોસ્પિટલમાં દરરોજ મોટી સંખ્યામાં દર્દીઓ સારવાર માટે આવતા હોવા છતાં રેડિયોલોજી વિભાગમાં નિષ્ણાત ડોકટર ન હોવાથી સોનોગ્રાફી અને અન્ય તપાસ માટે દર્દીઓને ખાનગી હોસ્પિટલનો સહારો લેવો પડે છે. ખાસ કરીને ગરીબ અને મધ્યમવર્ગના દર્દીઓને આર્થિક બોજ સહન કરવો પડી રહ્યો છે. સ્થાનિક લોકો અને સામાજિક આગેવાનો દ્રારા સરકાર સમક્ષ માંગ ઉઠાવવામાં આવી છે કે ધોરાજી સરકારી હોસ્પિટલમાં તાત્કાલિક રેડિયોલોજીસ્ટ ડોકટરની નિમણૂક કરવામાં આવે જેથી દર્દીઓને સમયસર અને યોગ્ય સારવાર મળી રહે. લોકોએ જણાવ્યું હતું કે ધોરાજી સહિત આસપાસના ગ્રામ્ય વિસ્તારોના હજારો દર્દીઓ સરકારી હોસ્પિટલ પર નિર્ભર છે ત્યારે આવશ્યક તબીબી સેવાઓ ઉપલબ્ધ કરાવવા સરકાર દ્રારા વહેલી તકે કાર્યવાહી કરવી જરી બની છે