તાલુકા કોંગ્રેસ પ્રમુખ સહિતના અગ્રણીઓએ અધિકારીઓને કરી રજુઆત

શહેરના નદીના પુલ પછી માહિકી, વરવાળા, સતાપર, તરસાઇ ગામમાં થઇને પોરબંદર વિસ્તારના બીલેશ્ર્વર, હનુમાનગઢ, રાણાવાવ પોરબંદર સુધી જતો રસ્તો જે હાલ જામજોધપુરથી છેક હનુમાન ગઢ સુધીનો માર્ગ સીંગલ પટ્ટીનો હોય આ રસ્તો ડબલ પટ્ટીનો કરવા જામજોધપુર તાલુકા કોંગ્રેસ પ્રમુખ ગોવિંદભાઇ ચાવડા શહેર કોંગ્રેસ પ્રમુખ જમનભાઇ કેટરીયા લીગલ સેલના એડવોકેટ હરેન્દ્ર રાબડીયા તાલુકા કોંગ્રેસ સમિતિના ઉપપ્રમુખ પ્રવિણભાઇ રાઠોડ દ્વારા લેખિત રજુઆત કરાઇ છે. જેમાં જામજોધપુરથી તરસાઇ થઇ અને બિલેશ્ર્વર સુધીનો માર્ગ સીંગલ પટ્ટીનો હોય ખુબ જ ગોળાઇ વળાંક વાળો હોય અને આ માર્ગમાં સીંગલ પટ્ટી હોવાને કારણે ટ્રાફીકની સમસ્યા થતી હોય અને વારંવાર અકસ્માત થતા હોય જેથી આ માર્ગ વહેલી તકે પહોળી કરવા માટે તેને ડબલ પટ્ટીનો માર્ગ કરવા અને આ ટ્રાફીક સમસ્યા અકસ્માતની સમસ્યા નિવારણ કરવા આ જામજોધપુરથી વાયા તરસાઇ થઇ બિલેશ્ર્વર થઇ પોરબંદર સુધી જતો સીંગલ પટ્ટીનો માર્ગ તાત્કાલિક અસરથી ડબલ પટ્ટીનો બનાવવા ગુજરાત રાજય માર્ગ મકાન વિભાગ સહિત લગત કચેરીમાં રજુઆત કરાય છે.