પોરબંદરના કમલાબાગ પાસે ઘણા લાંબા સમયથી પાણીની પાઇપલાઇન લીકેજ થઇ ગઇ છે અને મોટી માત્રામાં પાણી વેડફાઇ રહ્યુ છે.કમલાબાગના ઓવરહેડ ટેન્ક પાછળના ગેટ પાસેથી એમ.ડી.સાયન્સ કોલેજ સુધી ખૂબ મોટી માત્રામાં પાણીનો વેડફાટ થઇ રહ્યો છે. પોરબંદર મહાનગરપાલિકાનું તંત્ર અલગ-અલગ વિસ્તારોમાં પાઇપલાઇન સમારકામ કરી રહ્યાના દાવા કરી રહ્યુ છે પરંતુ હાલમાં કમલાબાગ પાસે ઢોળાઇ રહેલા પાણી  અંગે કોઇ જ નકકર કાર્યવાહી કરવામાં આવી નથી તેમ જણાવીને સામાજિક અગ્રણી લખમણભાઇ દાસાએ તંત્રનું ધ્યાન દોરીને વહેલીતકે તેનું સમારકામ કરાવવા માંગ કરી છે.