સુપ્રસિદ્ધ યાત્રાધામ સાળંગપુરધામ કષ્ટભંજનદેવ હનુમાનજી મંદિર ખાતે શાસ્ત્રી સ્વામી હરિપ્રકાશદાસ (અથાણાવાળા)ની પ્રેરણાથી તેમજ કોઠારી વિવેકસાગરદાસ સ્વામીના માર્ગદર્શનથી સાળંગપુરમાં દાદાને મિક્સ ફુલોનો શણગાર ધરાવવામાં આવ્યો હતો.  
 કષ્ટભંજનદેવ હનુમાનજી દાદાને જરદોશી વર્કવાળા વાઘા પહેરાવ્યા હતા. આ સાથે ગુલાબ, ઓર્કિડ અને સૂર્યમુખીના ફુલો સિંહાસનને મિક્સ ફુલોનો દિવ્ય શણગાર કરાયો હતો.  હનુમાનજીને કરાયેલા શણગાર વિશે પૂજારી સ્વામીએ જણાવ્યું  હતું કે,  દાદાને જરદોશી વર્કવાળા વાઘા પહેરાવ્યા છે. આ સાથે મિક્સ ફુલોનો સિંહાસને શણગાર કરાયો છે. તો  દાદાને કેળા,કેરી,સંતરા, મોસંબી,ત રબુચ,અનાનસ વિગેરે ફ્રુટનો અન્નકૂટ પણ ધરાવાયો છે. જેને પ્રસાદમાં ભક્તોને આપવામાં આવશે.