ભાણવડના વર્તું -2 નજીકના ભેનકવડ ગામમાં ગુરુવારે એક મગર ચડી આવ્યો હતો. આ અંગેની જાણ ગ્રામજનોને થતા આ મગરને જોવા માટે લોકોના ટોળે-ટોળા એકઠા થયા હતા.

ગ્રામજનો દ્વારા આ અંગે વન વિભાગને જાણ કરાતા વન વિભાગના ફોરેસ્ટર ખીમભાઈ ચાવડા અને એનિમલ લવર્સ ગ્રુપના રેસ્ક્યુઅર તુરંત આ સ્થળે દોડી ગયા હતા. અહીં રહેલા સાડા ત્રણેક ફૂટના આ આ મગરનું રેસ્ક્યુ કરવામાં આવ્યું હતું. સાથે સાથે સ્થળ પર હાજર લોકોને આ બાબતે માહિતગાર પણ કરાયા હતા. રેસ્ક્યુ બાદ આ મગરને તુરત બરડાના પ્રાકૃતિક આવાસમાં મુક્ત કરાયો હતો.

આ મગર બચાવની કામગીરીમાં વન વિભાગના ખીમભાઈ ચાવડા, એનિમલ લવર્સના અશોકભાઈ ભટ્ટ, મેરામણભાઈ, વિશાલ અને અક્ષય જોડાયા હતા.