IPL 2025ની પ્રથમ મેચ રમતા પહેલા જ કેએલ રાહુલ તેની ટીમ દિલ્હી કેપિટલ્સને છોડીને મુંબઈ પાછો ફર્યો હતો, જ્યાં તેની પત્ની આથિયા શેટ્ટી બાળકને જન્મ આપવાની હતી. રાહુલે દિલ્હી કેપિટલ્સની મેચ દરમિયાન તેની દીકરીના જન્મના સમાચાર શેર કર્યા હતા.

View this post on Instagram

A post shared by Athiya Shetty (@athiyashetty)

IPL 2025ની શરૂઆત દિલ્હી કેપિટલ્સ અને ટીમ ઈન્ડિયાના સ્ટાર વિકેટકીપર-બેટ્સમેન કેએલ રાહુલ માટે ખુશખબર લઈને આવી છે. રાહુલ અને તેની પત્ની આથિયા શેટ્ટીના ઘરમાં એક નવા સભ્યની એન્ટ્રી થઈ છે. રાહુલની ફિલ્મ સ્ટાર પત્ની આથિયા શેટ્ટીએ સોમવાર 24 માર્ચે તેની દીકરીને જન્મ આપ્યો. રાહુલ અને આથિયાને પહેલીવાર માતા-પિતા બનવાનું સુખ મળ્યું છે. રાહુલ અને આથિયાએ સોશિયલ મીડિયા પોસ્ટ દ્વારા તેમની દીકરીના જન્મની ખુશખબર ફેન્સ સાથે શેર કરી છે.

રાહુલ-આથિયાએ ફેન્સને આપી ખુશખબર

સોમવાર 24 માર્ચે જ્યારે દિલ્હી કેપિટલ્સ તેની પ્રથમ મેચમાં લખનઉ સુપર જાયન્ટ્સ સામે રમી રહી હતી, ત્યારે રાહુલ અને આથિયાએ એક ફોટો સાથે દીકરીના જન્મના સમાચાર શેર કર્યા હતા. જો કે દીકરીનું નામ શું રાખ્યું છે, હાલમાં રાહુલે અને આથિયાએ તેનો ખુલાસો કર્યો નથી. બંનેની આ પોસ્ટ પર ફેન્સ ઉપરાંત ક્રિકેટ અને ફિલ્મ જગતના જાણીતા સ્ટાર્સે અભિનંદન પાઠવ્યા હતા. રાહુલ અને આથિયાના લગ્ન 2023માં થયા હતા અને થોડા મહિના પહેલાં જ તેમણે ખુલાસો કર્યો હતો કે તેઓ માતા-પિતા બનવાના છે.