ટ્રાન્સપરન્સી ઇન્ટરનેશનલના અહેવાલ મુજબ, 2024 માટે ભ્રષ્ટાચાર ધારણા સૂચકાંકમાં ભારત 180 દેશોમાં 96મા ક્રમે છે, કારણ કે તેનો એકંદર સ્કોર એક પોઇન્ટ ઘટીને 38 થયો છે. આ સૂચકાંક જાહેર ક્ષેત્રમાં ભ્રષ્ટાચારના કથિત સ્તરના આધારે 180 દેશો અને પ્રદેશોને ક્રમ આપે છે. ભારતનો કુલ સ્કોર 2024માં 38 હતો, જ્યારે 2023માં 39 અને 2022માં 40 હતો. 2023 માં ભારતનો ક્રમ 93મો હતો.
સૌથી ઓછા ભ્રષ્ટ દેશોની યાદીમાં ડેનમાર્ક ટોચ પર છે, ત્યારબાદ ફિનલેન્ડ અને સિંગાપોર આવે છે. ભારતના પડોશી દેશોમાં, પાકિસ્તાન (135) અને શ્રીલંકા (121) સૌથી નીચે ક્રમે છે, જ્યારે બાંગ્લાદેશ 149મા ક્રમે છે. ચીન 76મા ક્રમે છે. આ સૂચકાંક દશર્વિે છે કે ભ્રષ્ટાચાર વિશ્વના દરેક ભાગમાં એક ગંભીર સમસ્યા છે, પરંતુ ઘણા દેશોમાં સારા ફેરફારો થઈ રહ્યા છે. અભ્યાસમાં એ પણ દશર્વિવામાં આવ્યું છે કે ભ્રષ્ટાચાર આબોહવા કાર્યવાહી માટે એક મોટો ખતરો છે. આ ઉત્સર્જન ઘટાડવા અને ગ્લોબલ વોર્મિંગની અનિવાર્ય અસરોને અનુકૂલિત કરવામાં પ્રગતિને અવરોધે છે. 2012 થી 32 દેશોએ ભ્રષ્ટાચારના સ્તરમાં નોંધપાત્ર ઘટાડો કર્યો હોવા છતાં, ઘણું કામ કરવાનું બાકી છે, કારણ કે તે જ સમયગાળા દરમિયાન 148 દેશોમાં ભ્રષ્ટાચાર સ્થિર રહ્યો છે અથવા વધુ ખરાબ થયો છે. અહેવાલમાં જણાવાયું છે કે વૈશ્વિક સરેરાશ 43 વર્ષથી સ્થિર રહી છે, જ્યારે બે તૃતીયાંશથી વધુ દેશો 50 થી નીચે સ્કોર કરે છે. અબજો લોકો એવા દેશોમાં રહે છે જ્યાં ભ્રષ્ટાચાર જીવનને બરબાદ કરે છે અને માનવ અધિકારોનું ઉલ્લંઘન કરે છે.

યાદીમાં સામેલ સૌથી પ્રામાણિક દેશો
ડેનમાર્ક 90 પોઈન્ટ મેળવીને સતત સાતમા વર્ષે સૌથી ઓછા ભ્રષ્ટાચારવાળા દેશોની યાદીમાં ટોચ પર રહ્યું. તે પછી ફિનલેન્ડ (88) અને સિંગાપોર (84)નો ક્રમ આવે છે. આ પછી ન્યુઝીલેન્ડ (83) અને લક્ઝમબર્ગ (81) આવે છે. ટોચના ક્રમાંકિત દેશોમાં, નોર્વે અને સ્વિટ્ઝર્લેન્ડને પણ 81 પોઈન્ટ મળ્યા છે. જ્યારે, સ્વીડનને 80 પોઈન્ટ મળ્યા છે.

આ દેશો સૌથી ભ્રષ્ટ દેશોની યાદીમાં સામેલ છે
વિશ્વના સૌથી ભ્રષ્ટ દેશોની યાદીમાં દક્ષિણ સુદાન ટોચ પર છે. સૂચકાંક મુજબ, તેને 8 પોઈન્ટ મળ્યા છે અને તેને સૌથી નીચો 180 રેન્ક આપવામાં આવ્યો છે, જે સાબિત કરે છે કે તે સૌથી ભ્રષ્ટ દેશ છે. આ પછી, સોમાલિયા 179મા સ્થાને અને વેનેઝુએલા 178મા સ્થાને છે. આ યાદીમાં સીરિયા 177મા ક્રમે છે અને યમન, લિબિયા, એરિટ્રિયા અને ઇક્વેટોરિયલ ગિની 13 પોઈન્ટ સાથે 173મા ક્રમે છે. નિકારાગુઆ 14 પોઈન્ટ સાથે 172મા ક્રમે છે.