ગરબીની બાળાઓને પુરસ્કૃત કરાઈ

ખંભાળિયાના બેઠક રોડ વિસ્તારમાં આવેલી નવી લોહાણા મહાજન વાડી ખાતે દર વર્ષની જેમ આ વર્ષે પણ લોહાણા મહાજનના ઉપક્રમે રઘુવંશી જ્ઞાતિની બાળાઓ માટે રાસ ગરબાનું સુંદર આયોજન કરવામાં આવ્યું હતું. જેમાં હરસિધ્ધિ ગરબા મંડળના ઉપક્રમે સતત નવ દિવસ બાળાઓએ આદ્યશક્તિની આરાધના કરી હતી.

આ નવરાત્રી પર્વે અંતિમ દિવસે ખાસ પૂજન અર્ચન તેમજ બાળાઓને લ્હાણીનું વિતરણ કરવામાં આવ્યું હતું. સાથે મહા આરતી સહિતના આયોજનમાં મોટી સંખ્યામાં ધર્મપ્રેમી જનતાએ જોડાઈને આસ્થા વ્યક્ત કરી હતી. આ સુંદર અને સુચારુ આયોજન માટે હરસિધ્ધિ ગરબા મંડળની ટીમ દ્વારા નોંધપાત્ર જહેમત ઉઠાવવામાં આવી હતી.