રીજન્યોલ ઓફિસમાં કરાઈ ફરિયાદ

સલાયામાં એક માત્ર સરકારી રાષ્ટ્રીયકૃત બેંક આવેલ છે બેંક ઓફ બરોડા જેમાં ઘણા સમયથી ઓછો સ્ટાફ હોઈ ગ્રાહકોના કામ સમયે થતાં નથી અને ગ્રાહકોને ભારે હાલાકી પડતી હોઈ અનેક ફરિયાદો સામે આવી છે. સલાયાની બેંક ઓફ બરોડામાં મોટા પ્રમાણમાં સેવિંગ અને કરંટ એકાઉન્ટ આવેલ છે. આ એકાઉન્ટ ધારકોને કોઈ સેવા સમયસર નાં મળતી હોઈ એવી અનેક ફરિયાદો મલી છે. અહી સ્ટાફ ખુબજ ઓછો હોઈ એમને વધુ કામ કરવું પડતું હોઈ જેને લીધે અધિકારીઓ ગ્રાહકો ઉપર ગુસ્સો ઠાલવતા હોઈ છે.

આમ ઓછા સ્ટાફના લીધે રોજબરોજ કોઈને કોઈ નાની મોટી ફરિયાદો બેંકમાં બનતી હોય છે. હાલ ઈનકમ ટેક્સ રિટર્ન ફાઈલ નાં સમય ગાળામાં લોકોને પાસબુક પ્રિન્ટ કરવી હોઈ તો બેંક ઓફ બરોડા દ્વારા કરી દેવામાં આવતી નથી. ક્યારેક પ્રિન્ટર ખરાબ હોઈ અથવા સ્ટાફ નથી એવા તોછડા જવાબ આપવામાં આવે છે. પાસબુક પ્રિન્ટિંગનો પ્રશ્ન સલાયા બેન્કનો ઝઘડાનું મુખ્ય કારણ બની રહ્યું છે.

સલાયાની એક જૂની પેઢી કે જે વર્ષે એક કરોડથી ઉપરના બેન્કોના વ્યવહાર કરે છે અને આં બ્રાન્ચના બે કરંટ એકાઉન્ટ ધરાવે છે એ પેઢીએ નામ જોગ રીજ્યોનલ ઓફિસમાં સ્ટાફના ગેર વર્તણુક અને પાસબુક પ્રિન્ટિંગ અને ફિક્સ માં મુકેલ રસીદ બાબતે ફરિયાદ કરી છે.  આમ સલાયા બેંક ઓફ બરોડા બ્રાન્ચમાં હંમેશા માટે પાસબુક પ્રિન્ટિંગ થાય અને સ્ટાફમાં વધારો કરી અને ગ્રાહકોને સમયસર સેવા પૂરી પાડે એવી લોક માંગણી ઉઠી છે.