છેલ્લા ત્રણ માસથી ખરાબ નજરે જોઇ બિભત્સ ઇશારાઓ કયર્િ : ફરીયાદીના પતિને પણ ઝાપટો ઝીંકી : મામલો પોલીસમાં પહોચતા ભારે ચકચાર

જામનગર તાલુકાના જામવંથલી ગામમાં રહેતી મહિલાની સામે બિભત્સ ઇશારા કરી હેરાન-પરેશાન કરતો હોવાની ગામમાં રહેતા એક શખ્સ સામે પોલીસ ફરીયાદ નોંધાવવામાં આવતા ભારે ચકચાર મચી જવા પામી છે, ફરીયાદ અનુસંધાને પોલીસ દ્વારા આરોપીની અટકાયત કરવા તપાસ લંબાવી છે.

મળતી વિગત મુજબ જામવંથલી ગામમાં રહેતી 50 વર્ષની મહિલાએ પંચ-એમાં ગઇકાલે જામવંથલીમાં રહેતા રાજેશ ભુરા પરમાર નામના શખ્સ સામે બીએનએસ કલમ 78, 115(2), 352 મુજબ ફરીયાદ નોંધાવી છે જેમા જણાવ્યુ છે કે આશરે છેલ્લા ત્રણ ચાર માસથી ફરીયાદીને તેના ગામમાં ભરાતી મંગળવારીમાં તેમજ તેના ગામની બજારમાં આરોપી પાછળ આવી તેણીને ખરાબ નજરે જોઇ બિભત્સ ઇશારા કરી હેરાન-પરેશાન કરતો હતો.

ઉપરાંત ગત તા. 2-10-24ના રોજ આરોપી રાજેશે તેમના ગામની પંચાયતની ગ્રામ સભામાં ફરીયાદી મહિલાના પતિને પણ જેમ તેમ ગાળો બોલી તેમને ઝાપટો મારી ઝઘડો કરી ગુનો કર્યો હતો આ ફરીયાદના આધારે પંચકોશી-એ ડીવીઝનના પીએસઆઇ એચ.વી. ગોહિલ તપાસ ચલાવી રહયા છે, મહિલા દ્વારા ફરીયાદ કરવામાં આવતા ભારે ચકચાર મચી જવા પામી છે.