કોમર્શિયલ એલપીજી ગેસ સિલિન્ડરના ભાવમાં 41 રૂપિયાનો ઘટાડો થયો

  • April 01, 2025 11:21 AM 
Aajkaal Daily (Desh Pardesh Ni Aajkaal)
નવા નાણાકીય વર્ષની શરૂઆત સાથે ઓઇલ માર્કેટિંગ કંપનીઓએ એલપીજી ગેસના ભાવમાં ઘટાડો કર્યો છે. દેશની રાજધાની દિલ્હીમાં 19 કિલોગ્રામના કોમર્શિયલ એલપીજી ગેસ સિલિન્ડરના ભાવમાં 41 રૂપિયાનો મોટો ઘટાડો થયો છે. આ તાજેતરના ઘટાડા પછી, દિલ્હીમાં 19 કિલોગ્રામના કોમર્શિયલ એલપીજી ગેસ સિલિન્ડરની કિંમત હવે 1762 રૂપિયા થઈ ગઈ છે. નવી કિંમતો 1 એપ્રિલ, 2025 થી લાગુ કરવામાં આવી છે.


ઓઇલ માર્કેટિંગ કંપનીઓના આ નિર્ણયથી ઢાબા, રેસ્ટોરન્ટ, હોટલ જેવા સ્થળોએ ખોરાક રાંધવા માટે આ કોમર્શિયલ એલપીજી ગેસ સિલિન્ડરોનો ઉપયોગ કરતા કરોડો લોકોને રાહત મળશે. આજથી લાગુ કરાયેલા આ નવા ઘટાડા બાદ કોલકાતામાં 19 કિગ્રા સિલિન્ડરવાળા કોમર્શિયલ એલપીજી ગેસ સિલિન્ડરની કિંમત 1872 રૂપિયા થઈ ગઈ છે, જે પહેલા 1913 રૂપિયા હતી. મુંબઈમાં કોમર્શિયલ ગેસ સિલિન્ડરની કિંમત 1714.50 રૂપિયા થઈ ગઈ છે, જે પહેલા 1755.50 રૂપિયા હતી અને ચેન્નાઈમાં કોમર્શિયલ ગેસ સિલિન્ડરની કિંમત હવે 1924 રૂપિયા થઈ ગઈ છે, જે પહેલા 1965 રૂપિયા હતી.


ઓઈલ માર્કેટિંગ કંપનીઓ દર મહિનાની પહેલી તારીખે એલપીજી ગેસ સિલિન્ડરના ભાવમાં સુધારો કરે છે. કંપનીઓ જરૂરિયાત મુજબ ગેસ સિલિન્ડરના ભાવમાં વધારો કે ઘટાડો કરે છે. કંપનીઓએ છેલ્લે 1 માર્ચથી કોમર્શિયલ એલપીજી ગેસ સિલિન્ડરના ભાવમાં 6 રૂપિયાનો વધારો કર્યો હતો. જોકે, ઘરોમાં વપરાતા 14.2 કિલોગ્રામના એલપીજી ગેસ સિલિન્ડરના ભાવમાં કોઈ ફેરફાર કરવામાં આવ્યો નથી. 14.2 કિલોગ્રામના એલપીજી ગેસ સિલિન્ડરની કિંમત દિલ્હીમાં 803 રૂપિયા, કોલકાતામાં 829 રૂપિયા, મુંબઈમાં 802.50 રૂપિયા અને ચેન્નાઈમાં 818.50 રૂપિયા છે.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application