રાજકોટમાં રહી કોલેજમાંનો અભ્યાસ કરતી યુવતી વેકેશનમાં વતન જસદણના કાળાસર ગામે ગઈ હતી ત્યારે વાડીમાં આવેલા કુવામાં ઝંપલાવી આપઘાત કરી લેતા પરિવારમાં કલ્પાંત સર્જાયો હતો.

મળતી વિગત મુજબ મૂળ જસદણના કાળાસર ગામની અને રાજકોટમાં રૂમમાં રાખી કોલેજનો અભ્યાસ કરતી પ્રિયા ભરતભાઈ સાકરીયા (ઉ.વ.19)ની યુવતીએ ગઈકાલે વાડીએ આવેલા કુવામાં ઝંપલાવી આપઘાત કરી લીધો હતો. બનાવની જાણ થતા પરિવારજનો દોડી ગયા હતા અને કુવામાંથી બેભાન હાલતમાં બહાર કાઢી 108ને જાણ કરતા ઇએમટીએ જોઈ તપાસી મૃત જાહેર કરી પોલીસને જાણ કરતા જસદણ પોલીસ સ્થળ પર પહોંચી મૃતદેહને પીએમ માટે રાજકોટ સિવિલ હોસ્પિટલ ખાતે ખસેડી જરૂરી કાર્યવાહી કરી હતી. તેણીના પિતા ખેતીકામ કરે છે. પુત્રીએ ક્યાં કારણોસર પગલું ભર્યું પરિવાર પણ જાણતો ન હોય પોલીસે તપાસ યથાવત રાખી છે.