દેવભૂમિ દ્વારકા જિલ્લામાં પોષણ પખવાડિયાની ઉજવણી કરવામાં આવી રહી છે. જે કાર્યક્રમ ૨૨ એપ્રિલ ૨૦૨૫ સુધી ચાલશે. જેના ભાગરૂપે જિલ્લા કલેક્ટર રાજેશ તન્નાનાં અધ્યક્ષસ્થાને આજરોજ   "પોષણ શપથ" કાર્યક્રમનું આયોજન કરવામાં આવ્યું હતું. 

ઉલ્લેખનીય છે કે, વડાપ્રધાન નરેન્દ્ર મોદી દ્વારા ૦૮ માર્ચ ૨૦૧૮ના રોજ પોષણ અભિયાનની શરૂઆત કરવામાં આવી હતી. મહિલા અને બાળ વિકાસ મંત્રાલય દર વર્ષે માર્ચ-એપ્રિલ માસમાં પોષણ પખવાડિયાની ઉજવણી કરે છે. બેઠકમાં સૌએ પોષણ પખવાડિયા અંગેના શપથ લીધા હતા.

પોષણ પખવાડા- ૨૦૨૫માં જીવનના પ્રથમ ૧૦૦૦ દિવસો પર વિશેષ ધ્યાન આપવામાં આવશે. ઉપરાંત બાળ તુલા,  ગૃહ મુલાકાત, મમતા દિવસ, સ્વચ્છતા જાગૃતિ, મેદસ્વિતા અંગે જાગૃતિ, વૃક્ષારોપણ, મિલેટ અંગે જાણકારી વાનગી નિદર્શન આ ઉપરાંત પોષ્ટિક આહાર, તંદુરસ્ત આહાર પ્રથાઓ, વરસાદી પાણી સંગ્રહ  વગેરે અંગે સેશન યોજાશે.