યુથ હોસ્ટેલ જામનગર યુનીટ દ્વારા પાણીના કુંડા મુકાયા

યુથ હોસ્ટેલ જામનગર યુનીટ દ્વારા દર વર્ષે ઉનાળાના પ્રારંભે રોઝી બંદર,વાલસુરા દરીયાઇ વિસ્તારમાં.સફાઈ અભિયાનની સાથોસાથ વન વગડામાં પક્ષીઓ માટે પાણીના કુંડા પણ મુકવામાં આવે છે,જેના ભાગરૂપે આ વર્ષે પણ યુથ હોસ્ટેલ જામનગર યુનિટ દ્વારા રોઝી બંદર રોડ પર વાલસુરા પછીના ભાગમાં અલગ અલગ જગ્યાએ પક્ષીઓ માટે પાણીનાં કુંડા મૂકવાનો અને પ્લાસ્ટીકનો કચરો વન વગડામાંથી એકત્ર કરી સફાઈનો કાર્યક્રમ રાખવામાં આવ્યો હતો. જેમા ૫૦ થી પણ વધુ લોકો સામેલ થયા હતા. આ કાર્યક્રમનું સફળ આયોજન બાલકૃષ્ણ ભાઈ બગડાઈ દ્વારા કરવામાં આવ્યું હતું.સાથે કમિટી મેમ્બર  ઝવેરીભાઈ,જયપાલસિંહ જાડેજા, એ. ડી.જાડેજા, કૃણાલ જોશી, વર્ષાબેન સોલંકી તેમજ કમલેશ રાવત જોડાયા હતા.