જૂનાગઢ શહેરમાં કુતરા કરડવાના બનાવો વધી રહ્યા છે. તેમાં પણ શિયાળો શ થતા જ શેરી ગલીઓમાં લોકોના અવરજવરની ટાંપીને રાહ જોતા કુતરાઓથી લોકોમાં ભય ફેલાયું છે. શહેરમાં ૧૧ મહિનામાં ૪૬૨૧ લોકોને કુતરા કરડયા છે. રાત્રિના રોડ પર કૂતરાના ઝુંડ જોવા મળતા લોકોમાં ફફડાટ ફેલાઈ રહ્યો છે.વાહનો પાછળ દોડી રહ્યા હોવાથી અકસ્માત પણ થતા હોવાથી મહાનગરપાલિકા યોગ્ય પગલાં લે તેવી માંગ ઉઠી છે.
જૂનાગઢ શહેરમાં ૧૧ મહિનામાં ૪૬૨૧ લોકોને કુતરા કરડયાના બનાવના કારણે સિવિલ હોસ્પિટલ તથા મનપાના આરોગ્ય કેન્દ્રમાં સારવાર આપવામાં આવી હતી. અનેક વિસ્તારોમાં રખડતા કૂતરાઓનો આંતક વધ્યો છે. મહાનગરપાલિકા ગોકળ ગાયની ગતિએ ડોગ સ્ટરીલાઈઝેશનની કામગીરી કરી રહ્યું છે.કુતરા કરડવાના  બનાવો દર મહિને વધી રહ્યા છે.તેમાં પણ રાત્રિના સમયે વાહન ચાલકો અને રાહદારીઓ મૂંઝવણમાં મુકાઈ રહ્યા છે. જૂનાગઢ સિવિલ હોસ્પિટલમાં પણ દર માસે કુતરા કરડવાની સંખ્યામાં વધારો થઈ રહ્યો છે. શહેરમાં દરરોજ આશરે ૧૪ થી વધુ વ્યકિતઓને કુતરા કરડી રહ્યા છે. મનપાએ આ બાબતે કડક કાર્યવાહી કરવી જરી બની છે.
વર્ષે સાડા ચાર હજારથી પણ વધુ કુતરા કરડવાના બનાવો છતાં પણ મનપાના તંત્રને પેટમાં પાણી હલતું નથી. ગલી અને શેરી મહોલ્લ ાઓમાં કુતરાઓના ઝુંડ ના કારણે લોકોને હાલાકીનો સામનો કરવો પડી રહ્યો છે. રખડતા કુતરાઓ અંગે નહિવત કામગીરીથી શહેરમાં દર મહિને ડોગ બાઈટ ના કેસમાં વધારો થઈ રહ્યો છે.
મહાનગરપાલિકા દ્રારા એક વર્ષથી કુતરાના રસીકરણ અને ખસીકરણની કામગીરી કરી મહાનગરપાલિકા સંતોષ માને છે. શહેરમાં અંદાજિત નવ હજારથી પણ વધુ કુતરા છે. જેમાંથી એક વર્ષ દરમિયાન ૨૦૬૨ કુતરાઓના ખસીકરણની કામગીરી કરવામાં આવી છે. જેથી મહાનગરપાલિકા તત્કાલ આયોજન કરી ડોગ સ્ટરીલાઈઝેશનની પ્રક્રિયા પણ વેગવાન બનાવે તેવી લોકોમાંથી માંગ ઉઠી છે