ચીન પોતાની નાપાક હરકતોથી હટી રહ્યું નથી અને ફરી એકવાર આવી જ એક યુક્તિનો પદર્ફિાશ થયો છે. 2019 થી, ચીને ભારતની ઉત્તર-પૂર્વીય સરહદો પર વાસ્તવિક નિયંત્રણ રેખા નજીક ગામડાઓ વસાવવાનું શરૂ કર્યું. આ દિવસોમાં, બેઇજિંગ તેના નાગરિકોને ’જિયાઓકાંગ’ બોર્ડર ડિફેન્સ વિલેજ તરીકે ઓળખાતા આ ગામોમાં વસાવી રહ્યું છે. આ ગામોનો ઉપયોગ નાગરિકોની સાથે-સાથે સેના માટે પણ થઈ શકે છે.
ઈન્ડિયન એક્સપ્રેસના અહેવાલ મુજબ, આ મામલાની જાણકારી ધરાવતા વરિષ્ઠ અધિકારીઓનું કહેવું છે કે, છેલ્લા કેટલાક મહિનામાં ચીને અરુણાચલ પ્રદેશના લોહિત વેલી અને તવાંગ સેક્ટરમાં એલએસી સાથે બનેલા કેટલાક ગામોમાં લોકોને વસાવવાનું શરૂ કર્યું છે. ચીને તિબેટ સ્વાયત્ત ક્ષેત્રમાં ભારત સાથેની સરહદે આવા 628 ગામો બનાવ્યા છે. આમાંના મોટાભાગના લદ્દાખ અને અરુણાચલ પ્રદેશને અડીને છેલ્લા પાંચ વર્ષમાં બનાવવામાં આવ્યા છે.
સરહદ પર સ્થાપિત આ ગામોને લઈને અત્યાર સુધી જે માહિતી સામે આવી છે, તે દશર્વિે છે કે આ ગામો સૈન્ય અને નાગરિક બંને જરૂરિયાતો પૂરી કરવા જઈ રહ્યા છે. આને ચીનની જમીન હડપ કરવાની રણનીતિનો એક ભાગ માનવામાં આવે છે. આ જ કારણ છે કે ભારત તેમના માટે ચિંતિત છે. ગામડાઓમાં બનેલા મકાનો બે માળના છે અને તેમાંના મોટા ભાગની જગ્યા પૂરતી છે. અત્યાર સુધી આ મકાનોમાં કોઈ રહેતું ન હતું, પરંતુ હવે ધીમે ધીમે લોકો તેમાં વસવા લાગ્યા છે.
સૂત્રોએ કહ્યું છે કે ચીન ઉત્તર-પૂર્વ સરહદ પર સતત ઈન્ફ્રાસ્ટ્રક્ચર બનાવી રહ્યું છે. તવાંગ અને સિલીગુડી કોરિડોર સિવાય મોટાભાગના વસ્તીવાળા વિસ્તારો અથવા મહત્વપૂર્ણ વિસ્તારોથી દૂર છે. એક અધિકારીએ કહ્યું, ’ચીને તવાંગમાં પાસે નોંધપાત્ર પ્રમાણમાં ઈન્ફ્રાસ્ટ્રક્ચર બનાવ્યું છે, પરંતુ તે અહીં અટકતું નથી. અરુણાચલ પ્રદેશની સિયાંગ વેલી જેવા અન્ય વિસ્તારોમાં પણ ચાઈનીઝ મેન્યુફેક્ચરિંગ જોઈ શકાય છે. અધિકારીએ કહ્યું કે ચીન તેના વર્તમાન ઈન્ફ્રાસ્ટ્રક્ચરમાં સતત સુધારો કરી રહ્યું છે. રસ્તાઓ બનાવવામાં આવી રહ્યા છે, પુલ બનાવવામાં આવી રહ્યા છે અને મોડેલ વિલેજની સ્થાપ્ના કરવામાં આવી રહી છે. ચીન સરહદી ગામો સહિત ભૂટાનના પ્રદેશમાં પણ ઈન્ફ્રાસ્ટ્રક્ચર બનાવી રહ્યું છે. એવું કહેવામાં આવી રહ્યું છે કે ચીન ઉત્તર-પૂર્વના વિસ્તારો પર દાવો કરતા પહેલા ક્યાંકને ક્યાંક તૈયારી કરી રહ્યું છે. આ ગામોને પણ સૈનિકોના ઉપયોગને ધ્યાનમાં રાખીને તૈયાર કરવામાં આવ્યા છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationઇઝરાયેલમાં અંધાધૂંધ ગોળીબારમાં મહિલાનું મોત, અનેક ઘાયલ
October 06, 2024 08:27 PMIND W vs PAK W: ભારતીય ટીમે પાકિસ્તાનને 6 વિકેટથી હરાવ્યું
October 06, 2024 08:25 PMનરેન્દ્ર મોદીના નેતૃત્વ અને માર્ગદર્શનમાં ગુજરાતની વણથંભી વિકાસ યાત્રાના સફળ 23 વર્ષ પૂર્ણ
October 06, 2024 07:01 PMCopyright © 2023-2024 Aajkaal Daily
Developed by Rhythm Infotech