પોરબંદરના અમુક મેટરનીટી હોમ ખાતે મહિલા પોલીસે તપાસ હાથ ધરીને રજીસ્ટર તપાસ્યા હતા તથા અલગ-અલગ જગ્યાએ નોકરી કરતી મહિલાઓના પ્રશ્નો જાણ્યા હતા.
પોરબંદર મહિલા પોલીસ સ્ટેશન દ્વારા નોકરી કરતી મહિલાઓ અને હોસ્પિટલની મુલાકાત લેવામાં આવી હતી.ડ્રીમલેન્ડ ટોકીઝ પાસે બોમ્બે મેકઅપ બજાર સેલ અને હિંગળાજી સેલમાં જગ્યા પર નોકરી કરતી મહિલાની મુલાકાત લેવામાં આવી હતી. અને કોઈ હેરાન-પરેશાન કરતું હોય, શારીરિક માનસિક ત્રાસ, છેડતી વગેરે પુછતાછ કરી મહિલા હેલ્પલાઈન તેમજ કાયદાકીય માર્ગદર્શન આપવામાં આવ્યુ હતુ.મનન મેટરનીટી હોસ્પિટલ, રિધ્ધિ હોસ્પિટલ ખાતે રજીસ્ટરો ચેક કરેલ તેમજ હોસ્પિટલમાં ગર્ભપરીક્ષણ કરવામાં આવતું નથી ને તે બાબતે તપાસ કરેલ તેમજ સારવાર અર્થે આવેલ બહેનોને ગર્ભજાતિ પરીક્ષણ કરાવવું તે ગેરકાયદેસર છે વગેરે વિષે જરૂરી માર્ગદર્શન આપવામાં આવ્યુ હતુ.