ED દ્વારા હેમંત સોરેનની ધરપકડ કરવામાં આવી છે. હવે ઝારખંડના નવા મુખ્યમંત્રી ચંપઈ સોરેન હશે. તેઓ મહાગઠબંધન (JMM, કોંગ્રેસ, RJD)ના ધારાસભ્ય પક્ષના નેતા તરીકે ચૂંટાયા છે. અહીં, મુખ્ય પ્રધાન હેમંત સોરેને ED કસ્ટડીમાં રાજ્યપાલ સીપી રાધાકૃષ્ણનને પોતાનું રાજીનામું સોંપ્યું છે. તેમનું રાજીનામું સ્વીકારી લેવામાં આવ્યું છે.

જોકે, રાજભવન પહોંચ્યા બાદ હેમંત સોરેને મુખ્યમંત્રી પદેથી રાજીનામું આપી દીધું છે. રાજ્યપાલે તેમનું રાજીનામું સ્વીકારી લીધું છે. તેમના સ્થાને ચંપાઈ સોરેન રાજ્યના નવા મુખ્યમંત્રી હશે. ચંપાઈને વિધાયક દળના નેતા તરીકે પસંદ કરવામાં આવ્યા છે. 

હેમંત સોરેન આ પહેલા મંગળવારે અચાનક દિલ્હીથી રાંચી પહોંચ્યા હતા. સોરેને દિલ્હીથી રાંચી સુધી 1250 કિલોમીટરથી વધુ સડક માર્ગે મુસાફરી કરી હતી. અહીં તેઓ ઝારખંડ મુક્તિ મોરચાના વરિષ્ઠ નેતાઓ અને સહયોગી ધારાસભ્યોને મળ્યા. આ બેઠકમાં સીએમ સોરેનની પત્ની કલ્પના સોરેન પણ હાજર હતી. જોકે તેઓ ધારાસભ્ય નથી. JMMનું કહેવું છે કે, બેઠકમાં વધુ વ્યૂહરચના પર ચર્ચા કરવામાં આવી છે. બેઠકોમાં, ધારાસભ્યોએ હેમંત સોરેન સરકાર સાથે એકતા વ્યક્ત કરી અને કોઈના નામ વગર સમર્થનના પત્ર પર સહી પણ કરી. એવી અટકળો છે કે, હેમંતની ધરપકડની સ્થિતિમાં તેની પત્ની કલ્પના સોરેનને મુખ્યમંત્રીની બાગડોર સોંપવામાં આવશે.

EDએ સોમવારે જ નવી દિલ્હીમાં શાંતિ નિકેતન સ્થિત હેમંત સોરેનના ઘરેથી 36 લાખ રૂપિયા રોકડા, એક BMW કાર અને કેટલાક દસ્તાવેજો જપ્ત કર્યા હતા. EDએ તેને આ અંગે ઘણા પ્રશ્નો પૂછ્યા હતા. સોરેને એ વાતનો ઇનકાર કર્યો હતો કે રોકડ અને કાર તેમની છે. આ ઉપરાંત, રાંચીના બડગઈ વિસ્તારમાં લગભગ ચાર એકર જમીનની માલિકી અંગે પૂછવામાં આવેલા પ્રશ્નોના સોરેનના જવાબોથી ED અધિકારીઓ સંતુષ્ટ ન હતા.