પ્રધાનમંત્રી નરેન્દ્ર મોદીએ હિટ વેવના કારણે પરિસ્થિતિને પહોંચી વળવા તૈયારીઓની સમીક્ષા કરવા માટે બેઠક યોજી હતી. ગરમી હવે ધીમે ધીમે વધી રહી છે. બેઠક દરમિયાન વડા પ્રધાનને અધિકારીઓ દ્વારા એપ્રિલથી જૂન 2024ના સમયગાળા માટેના તાપમાનના અંદાજ વિશે માહિતી આપવામાં આવી હતી, જેમાં આગામી ગરમ હવામાનની મોસમ (એપ્રિલથી જૂન)ની આગાહીનો સમાવેશ થાય છે.

દેશના મોટાભાગના વિસ્તારોમાં ગરમી વધશે

દેશના મોટાભાગના ભાગોમાં મહત્તમ તાપમાન સામાન્ય કરતાં વધુ રહેવાની સંભાવના છે, ખાસ કરીને મધ્ય ભારતમાં તેની સંભાવના વધારે છે. પીએમઓએ જણાવ્યું હતું કે બેઠકમાં આવશ્યક દવાઓ, પ્રવાહી, આઈસ પેક, ઓઆરએસ અને પીવાના પાણીના સંદર્ભમાં આરોગ્ય ક્ષેત્રની તૈયારીઓની સમીક્ષા કરવામાં આવી હતી.

પ્રધાનમંત્ર સિવાય આ લોકો પણ બેઠકમાં હાજર

વડા પ્રધાને કહ્યું કે, કેન્દ્ર, રાજ્ય અને જિલ્લા સ્તરે વિવિધ મંત્રાલયોએ આના પર સંકલનમાં કામ કરવાની જરૂર છે. પ્રધાનમંત્રીએ હોસ્પિટલોમાં પૂરતી તૈયારી તેમજ જાગૃતિ પેદા કરવા પર પણ ભાર મૂક્યો હતો.