પશુ નિયમન કાયદા હેઠળ પશુઓનું રજિસ્ટ્રેશન કરાવવા સરકારએ આદેશ કર્યો છે. રાજકોટનાં માલધારી સમાજમાં સરકારનાં આદેશને લઈને રોષ જોવા મળી રહ્યો છે. પશુઓનું રજિસ્ટ્રેશન કરતા પહેલા પૂરતી વ્યવસ્થા ઉભી કરવાની માંગ કરવામાં આવી છે. પશુઓનું રજિસ્ટ્રેશન કરવા સરકારી કર્મચારીઓને જે-તે સ્થળે મોકલવા અપીલ કરવામાં આવી છે. માંગ નહીં સંતોષાય તો ઉગ્ર આંદોલનની ચીમકી ઉચ્ચારવામાં આવી છે.

રાજ્ય સરકારે રખડતા ઢોરને લઈ મહાનગરપાલિકા તેમજ નગરપાલિકા વિસ્તાર માટે સરકારે માર્ગદર્શિકા જાહેર કરી છે. આ વિસ્તારોમાં રખડતા ઢોરનું રજીસ્ટ્રેશન પણ ફરજિયાત કરવામાં આવ્યું છે. રજીસ્ટ્રેશન વગરનાં ઢોરને જપ્ત કરવામાં આવશે. આ ઉપરાંત મહાનગરપાલિકા તેમજ નગરપાલિકાએ પશુઓમાં ટેગ લગાવવાની કામગીરી કરવી પડશે.પરમિશન માટે નિશ્ચિત ચાર્જ ભરવો પડશે. તો જાહેર રસ્તાઓ પર ઘાસ વેચાણ અને પશુઓને ઘાસ ખવડાવવા પર પ્રતિબંધ લાદવામાં આવ્યા છે.