બનાવની જાણવા મળતી વિગતો મુજબ, અમદાવાદના ધોળકા તાલુકાના વટામણ ગામે રહેતા કિશન સુરેશભાઈ મકવાણા (ઉ.વ. 24) નામના યુવાને ગાંધીગ્રામ પોલીસ સ્ટેશનમાં નોંધાવેલી ફરિયાદમાં આરોપી તરીકે સ્વીફટ ડિઝાયર નંબર જીજે 3 બીઝેડ 5034 ના ચાલક અને તેની સાથેના બે અજાણ્યા શખસોના નામ આપ્યા છે.

યુવાને ફરિયાદમાં જણાવ્યું હતું કે, તે ડ્રાઇવિંગ કામ કરતો હોય કાર લઇ દ્વારકા ગયા બાદ પરત અમદાવાદ તરફ જતી વેળાએ રાત્રિના રાજકોટમાં માધાપર ચોકડી પાસે પાછળથી આવેલી સ્વીફટ ડિઝાયર કારના ચાલકે યુવાનની કારની બાજુમાં પોતાની કાર ચલાવી કહ્યું હતું કે, તું સાઈડ કેમ આપતો નથી તેમ કહી યુવાનને ઉભો રાખી આ કાર ચાલક તથા તેની સાથે બેઠેલા બે અજાણ્યા શખસોએ બોલાચાલી કરી યુવાનને ગાળો આપી ઢીકાપાટુંનો માર માર્યો હતો. જે અંગ યુવાનની ફરિયાદ પરથી ગાંધીગ્રામ પોલીસે ગુનો નોંધી જરૂરી કાર્યવાહી કરી છે.