ચોરીના આ બનાવની જાણવા મળતી વિગતો કાલાવડ રોડ પર નંદનવન સોસાયટીમાં રહેતા ડો.દિલીપભાઇ ફલાભાઇ પટેલ(ઉ.વ ૬૭) દ્વારા પ્ર.નગર પોલીસ મથકમાં નોંધાવેલી ફરિયાદમાં જણાવ્યું હતું કે,તેમને યાજ્ઞિક રોડ પર જાગનાથ પોલીસ ચોકીની સામે સિટી શોપ બિલ્ડિંગમાં ૧૦૧ માં આવેલી ઓફિસમાં દાંતાના કલિનિક ચલાવે છે.

તા. ૨૧ ફેબ્રુઆરીના રોજ તેઓ સાંજે કિલિનિક બંધ કરી બીજા દિવસે તા.૨૨ ના સવાર ૧૦:૩૦ વાગ્યે અહીં કિલિનિકે આવતા અહીં પાછળની સાઇડમાં આવેલી બારીએથી કોઇએ પ્રવેશ કરી ટેબલના ખાનામાં રહેલો રૂ.૧૦ હજારની કિંમતનો મોબાઇલ કોઇ ચોરી કરી ગયું હતું.જોકે તેમણે જે તે સમયે પોલીસ ફરિયાદ નોંધાવી ન હતી.

બાદમાં તા.૩/૩ ના ફરી કોઇએ રાત્રીના કિલિનિકમાં રાતના સમયે બારી મારફત પ્રવેશ કરી અહીંથી ડ્રોઅરમાં રહેલા કેમેરા તથા લેંસ સહિત કુલ રૂ.૧.૧૫ લાખની મત્તાની ચોરી કરી ગયાનું માલુમ પડયું હતું.જેથી તબીબ દ્વારા તેમના કિલિનિકમાં અલગ અલગ સમયે કોઇ શખસે અહીં અંદર પ્રવેશ કરી મોબાઇલ અને કેમેરા-લેંસ સહિત રૂ.૧.૨૫ લાખની મત્તા ચોરી કરી ગયા અંગે પ્ર.નગર પોલીસ સ્ટેશનમાં ફરિયાદ નોંધાવવામાં આવી છે.જે ફરિયાદના આધારે પોલીસે ગુનો નોંધી ચોરીના આ બનવાનો ભેદ ઉકેલવા તપાસ હાથ ધરી છે.બનાવ અંગે વધુ તપાસ પીએસઆઇ આઇ.એ.બેલીમ ચલાવી રહ્યા છે.