રાજકોટ શહેરમાં નવા ભળેલા રીંગરોડ–૨ ના વિસ્તારમાં મવડી નજીકની વગડ ચોકડી ખાતે રસ્તા ઉપર પાંચ–પાંચ ફટના ખાડા પડા હોય અને તે ખાડામાં હજુ વરસાદી પાણી ભરાયેલા હોય આજે લોકરોષ ચરમસીમાએ પહોંચ્યો હતો અને આ વિસ્તારના રહીશોએ વોર્ડના નગરસેવકો તૂટેલા રસ્તા રીપેર કરાવવાના બદલે ભાજપના સદસ્યતા અભિયાનમાં વ્યસ્ત હોવા અંગેના બેનરો પ્રદર્શિત કરી નારાજગી વ્યકત કરી હતી.
તાજેતરમાં જ મવડીની અંબિકા ટાઉનશીપ વિસ્તારના રહીશોએ પણ આ રીતે નારાજગી વ્યકત કરી હતી અને ત્યાં આગળ તો રસ્તામાં પડેલા ખાડા તેમજ ગંદા પાણીના ખાબોચિયામાં ભાજપની ઝંડીઓ ફરકાવીને નવતર પ્રકારે વિરોધ કરવામાં આવ્યો હતો. રાજકોટ શહેરમાં રસ્તાની હાલત ખૂબ જ ખરાબ થઈ ગઈ હોય દરરોજ કોઈને કોઈ વિસ્તારમાં આ પ્રકારે વિરોધ પ્રદર્શન થઈ રહ્યું છે