પટ્ટણીવાડના ૧૦ મકાનમાં વિજ મીટર જ ન હતાં: લાંબા સમયથી વિજ લાઈન સાથે ચેડાં થતાં હોવાનું ખૂલ્યું: ખંભાળિયા અને સલાયામાંથી ૧૩.૬પ લાખની વિજચોરી પકડાઈ
વિજચોરી કરવા માટે લોકો કેટલાં-કેટલાં નુસ્ખા અજમાવે છે તે જામનગરના પટ્ટણીવાડ વિસ્તારમાંથી બહાર આવ્યું હતું. એક જ લાઈનના વિજ જોડાણમાંથી એક સાથે ૧૦ મકાનમાં વિજચોરી કરાતી હોવાની વાતો બહાર આવી હતી જેને ગઈકાલે સમર્થન મળ્યું હતું અને પીજીવીસીએલના અધિકારીઓએ દરોડા પાડી આ કૌભાંડ પકડી પાડતાં ભારે ચકચાર જાગી છે અને પાંચ લાખનો દંડ પણ ફટકારાયો છે. આ ઉપરાંત ગઈકાલે ખંભાળિયા-સલાયાના કેટલાંક વિસ્તારોમાં ૧૩.૬પ લાખની વિજચોરી પકડાતાં વિજચોરોમાં ફફડાટ ફેલાયો છે.
પીજીવીસીએલની સ્પેશિયલ ટીમે ગઈકાલે જામનગરના પટ્ટણીવાડમાં આવેલી વ્હાઈટ હાઉસ નામની બિલ્ડિંગમાં મળેલી બાતમીના આધારે દરોડો પાડ્યો હતો. આ ચેકિંગ દરમિયાન એક જ જોડાણમાંથી ૧૦ મકાનમાં વિના મીટર વિજ લોડ આપવાનું કારસ્તાન થઈ રહ્યું હતું. આ વિજચોરી પકડાતાં પાંચ લાખનો દંડ ફટકારાયો છે. ચેકિંગ સમયે સિટી એ ડિવિઝનના પીઆઈ એન.એમ. ચાવડા ઉપરાંત સર્વેલન્સની ટીમ હાજર રહી હતી. નવાઈની વાત તો એ છે કે લાંબા સમયથી આ પ્રકારની વિજચોરી થઈ રહી છે તેવી માહિતી પોલીસને મળી હતી અને પોલીસના સહકારથી પીજીવીસીએલ દ્વારા દરોડા પાડવામાં આવ્યા હતાં.
આ ઉપરાંત સોમવારે ખંભાળિયા-સલાયામાં પણ વિજચોરી પકડવા ૧૪ ટીમ દ્વારા દરોડા પાડવામાં આવ્યા હતાં જેમાં ૧૩૪ વિજ જોડાણ ચેક કરાયા હતાં જેમાંથી ર૦ જોડાણમાં ગેરરીતિ માલુમ પડતાં ૧૩.૬૫ લાખના બિલ ફટકારાયા હતાં. આ સમગ્ર કાર્યવાહી પીજીવીસીએલના મુખ્ય કાર્યપાલક ઈજનેર જાડેજાના માર્ગદર્શન હેઠળ કરવામાં આવી હતી.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationઆજની પોરબંદર-મુઝફ્ફરપુર ટ્રેનનું યુપી બિહારમાં રૂટ પરિવર્તન
April 25, 2025 10:25 AMસમાજમાં બદનામીના ડરથી આરંભડાના યુવાને ટ્રેન હેઠળ પડતું મૂક્યું
April 25, 2025 10:23 AMમોરબીમાં કારખાનાની ગરમ પાણીના નિકાલની ગટરમાં પડી જતા બાળકીનું મોત
April 25, 2025 10:22 AMગોમટા પાસે ફાર્મ હાઉસમાં ચાલતા જુગારધામ પર દરોડો: ૧૦ ઝડપાયા
April 25, 2025 10:20 AMઓન-લાઇન ગેમ વડે જુગાર રમવા લોકોને પ્રેરતા કલ્યાણપુરના સોશિયલ મીડિયા પ્રમોટરો સામે ગુનો
April 25, 2025 10:19 AMCopyright © 2023-2024 Aajkaal Daily
Developed by Rhythm Infotech