કારમાં નુકસાની કર્યાની ફરિયાદ

જામનગરમાં એસ.ટી. રોડ પર રહેતા નિલેશભાઈ દેવાભાઈ કદાવલા નામના 27 વર્ષના સગર યુવાન તેમના મિત્ર સાથે જી.જે. 03 ડી.એન. 7102 નંબરની મોટરકારમાં મિત્ર સાથે વિજયપુર ગામથી બાલાગામ જવા માટે નીકળ્યા હતા. તે દરમિયાન ભાણવડ નજીક પહોંચતા ઘુમલી રોડ પર જી.જે. 10 એલ 8063 નંબરના બુલેટ મોટરસાયકલના ચાલક પ્રફુલ મારી નામના શખ્સે મોટરકારને ઓવરટેક કરી અને જમણી બાજુ લેતા તેનું બુલેટ મોટર સાયકલના પાછળના ભાગે કારની ટક્કર થઈ હતી. જેથી તે બુલેટ પરથી પડી ગયો હતો.

આ અકસ્માત બાદ આરોપીએ ફરિયાદી તેમના સંબંધીઓને લાકડાના ધોકા વડે માર મારી, બિભત્સ ગાળો કાઢી, મોટરકારમાં પથ્થર વડે તોડફોડ કરી કર્યાની ધોરણસર ફરિયાદ ભાણવડ પોલીસ મથકમાં નોંધાવવામાં આવી છે. આ બઘડાટીમાં કારમાં રૂપિયા 50,000 નું નુકસાન થયાનું પણ વધુમાં જાહેર થયું છે. જે અંગે ભાણવડ પોલીસે નિલેશભાઈ કદાવાલાની ફરિયાદ પરથી બુલેટના ચાલક પ્રફુલ મારી સામે જુદી જુદી કલમ હેઠળ ગુનો નોંધ્યો છે.