બ્રિજભૂષણ શરણ સિંહને મહિલા કુસ્તીબાજોના કથિત યૌન શોષણના કેસમાં રાઉઝ એવન્યુ કોર્ટમાંથી મોટો ઝટકો લાગ્યો છે. કોર્ટે બ્રિજ ભૂષણ સામે આરોપ ઘડવાનો આદેશ આપ્યો છે.

દિલ્હીની રાઉઝ એવન્યુ કોર્ટે રેસલિંગ ફેડરેશન ઓફ ઈન્ડિયા (WFI)ના ભૂતપૂર્વ પ્રમુખ અને ભાજપના નેતા બ્રિજભૂષણ શરણ સિંહ સામે આરોપ તય કરાયો છે. કોર્ટે IPCની કલમ 354 અને 354A હેઠળ આરોપો ઘડ્યા છે. આરોપો ઘડ્યા બાદ બજરંગ પુનિયાએ કોર્ટનો આભાર માન્યો હતો. તેણે કહ્યું કે આ મહિલા કુસ્તીબાજોના સંઘર્ષની મોટી જીત છે.

મહિલા કુસ્તીબાજો સાથે જોડાયેલા યૌન શોષણના મામલામાં પૂર્વ કુસ્તી સંઘના પ્રમુખ બ્રિજભૂષણ શરણ સિંહને મોટો ઝટકો લાગ્યો છે. દિલ્હીની રાઉઝ એવન્યુ કોર્ટે શુક્રવારે બ્રિજ ભૂષણ સામે આરોપો ઘડવાનો આદેશ આપ્યો છે. કૈસરગંજના બીજેપી સાંસદ બ્રિજભૂષણ શરણ સિંહ વિરુદ્ધ કલમ 354, 506 અને અન્ય કલમો હેઠળ આરોપો ઘડવામાં આવ્યા છે. યૌન શોષણના આરોપોના કેસની તપાસ કરી રહેલી દિલ્હી પોલીસે જૂન 2023માં બ્રિજ ભૂષણ વિરુદ્ધ ચાર્જશીટ દાખલ કરી હતી.