બોલિવૂડનો સૌથી ફિટ એક્ટર ટાઇગર શ્રોફ આજે પોતાનો 31 મો જન્મદિવસ મનાવી રહ્યો છે. ટાઇગરનો જન્મ 2 માર્ચ 1990ના રોજ મુંબઇમાં થયો હતો. ટાઇગર બોલિવૂડ એક્ટર જેકી શ્રોફનો પુત્ર છે. સ્ટારકીડ હોવા છતાં ટાઇગરે તેની ફિલ્મી કરિયરમાં ઘણી મુશ્કેલીઓનો સામનો કરવો પડ્યો હતો.

બોલીવુડમાં પગ મૂક્યો તેના ટૂંક સમયમાં ટાઇગરે તેના ડાન્સ અને એક્શનથી બધા લોકોનું દિલ જીતી લીધું હતું. ડાન્સ અને એક્શનમાં માસ્ટર ટાઇગરનો આ અંદાજ તેના પ્રશંસકોને ખૂબ જ પસંદ  છે. બહુ ઓછા લોકો જાણે છે કે ટાઇગર ભગવાન શિવનો ભક્ત છે અને આ બંને કળાઓને શિવને સમર્પિત કરે છે. 

સોમવારનું વ્રત રાખતો હતો.
ટાઇગર શ્રોફે એક ઇન્ટરવ્યુમાં કહ્યું હતું કે તેમને ભોલેનાથથી પ્રેરણા મળે છે. તેઓ કંઇપણ અધૂઋ ન છોડીને સંપૂર્ણ ઉત્સાહથી બધું પૂર્ણ કરવાનો પ્રયાસ કરે છે. જ્યારે પણ તે ડાન્સ અને એક્શન કરે છે ત્યારે તે શિવજીને ચોક્કસ યાદ કરે છે. ટાઇગર સોમવારનું વ્રત પણ રાખતો હતો, પરંતુ હવે વ્યસ્તતાના કારણે તેઓ આવું કરી શકતા નથી.

આ ટાઇગર શ્રોફનું અસલી નામ નથી. જેકી શ્રોફ અને આઈશાના પુત્ર ટાઇગરનું અસલી નામ જય હેમંત શ્રોફ છે. નાનપણથી જ તેના પિતા તેને પ્રેમથી ટાઇગર કહેતા હતા. તેથી જ્યારે તેણે બોલિવૂડમાં પગ મૂક્યો ત્યારે તેણે પોતાનું નામ બદલીને ટાઇગર શ્રોફ રાખ્યું.

ટાઇગરે તેની બોલિવૂડ કેરિયરની શરૂઆત 2014માં આવેલી ફિલ્મ હિરોપંતીથી કરી હતી. આ ફિલ્મમાં કૃતિ સેનન ટાઇગરની સાથે જોવા મળી હતી. આ ફિલ્મ બોક્સ ઓફિસની સાથે સાથે ક્રિટિકને પણ પસંદ આવી હતી. ટાઇગરે તેની પહેલી ફિલ્મ બાદ બોલિવૂડમાં પોતાની જગ્યા કરી લીધી હતી. ટાઇગરે બાગી, બાગી 2, યુદ્ધ, મુન્ના માઇકલ જેવી ઘણી ફિલ્મોમાં કામ કર્યું છે. તેની ફિલ્મ બાગી 2 એ બોક્સ ઓફિસ પર જોરદાર કમાણી કરી હતી. આ ફિલ્મ 200 કરોડની ક્લબમાં સમાવવામાં આવી હતી.