દર્શકો માટે આવી રહ્યો છે આ  8 મોટી ફિલ્મોનો ખજાનો

વર્ષ 2024 ધમાકેદાર રહેવાનું છે. આ વર્ષે ઘણી મોટી ફિલ્મો રિલીઝ થવાની છે. આ સાથે ઘણી ફિલ્મો બોક્સ ઓફિસ પર એકબીજાને ટક્કર આપવા જઈ રહી છે. આ યાદીમાં અજય દેવગનની ‘સિંઘમ અગેન’થી લઈને પંકજ ત્રિપાઠીની ‘મૈં અટલ હૂં’નો સમાવેશ થાય છે. બોક્સ ઓફિસની રેસમાં કોણ કોનાથી આગળ રહેશે તે જોવું ખૂબ જ મજેદાર રહેશે. આ વર્ષે દર્શકોને બોલિવૂડ તેમજ સાઉથની ધમાકેદાર ફિલ્મો જોવા મળશે.

વર્ષ 2023 ફિલ્મ ઈન્ડસ્ટ્રી માટે શાનદાર વર્ષ સાબિત થયું છે. શાહરૂખ ખાનની 'જવાન'-'પઠાણ'એ બોક્સ ઓફિસ પર જોરદાર નોટો જ નોટો છાપી હતી. તે જ સમયે 'ડંકી'એ દર્શકોના દિલમાં એક ખાસ સ્થાન બનાવ્યું છે. સની દેઓલની 'ગદર 2' એ પણ કમાણીના ઘણા રેકોર્ડ તોડ્યા હતા. રણબીર કપૂરની 'એનિમલ' પણ ઘણી ચર્ચાઓમાં રહી હતી. હવે 2024 પણ મજબૂત બનવાનું છે. કારણ કે આ વર્ષે ઘણી મોટી ફિલ્મોની ટક્કર થવાની છે.

પુષ્પા 2 vs સિંઘમ અગેઇન :

 સાઉથ એક્ટર અલ્લુ અર્જુનની ‘પુષ્પા 2’ આ વર્ષની મચ અવેટેડ ફિલ્મોમાંથી એક છે. આ ફિલ્મની આતુરતાથી રાહ જોવાઈ રહી છે. આ ફિલ્મ 15મી ઓગસ્ટ એટલે કે સ્વતંત્રતા દિવસ પર રિલીઝ થઈ રહી છે. અજય દેવગનની ‘સિંઘમ અગેન’નો મુકાબલો ‘પુષ્પા 2’ સાથે થશે. સિંઘમ ફ્રેન્ચાઈઝીની તમામ ફિલ્મો હિટ રહી છે. નિર્દેશક રોહિત શેટ્ટીએ પણ આ ફિલ્મની રિલીઝ ડેટ 15મી ઓગસ્ટ પસંદ કરી છે.

મૈં અટલ હું vs દશમી :

 પંકજ ત્રિપાઠી તેની આગામી ફિલ્મ ‘મેં અટલ હું’ માટે સતત ચર્ચામાં રહ્યા છે. આ મુવી 19 જાન્યુઆરીએ સિનેમાઘરોમાં રિલીઝ થવા માટે તૈયાર છે. ‘મૈં અટલ હૂં’ની ટક્કર સાઉથની ફિલ્મ ‘દશમી’ સાથે થશે. આ ફિલ્મ 19 જાન્યુઆરીએ સિનેમાઘરોમાં પણ રિલીઝ થવાની છે.

‘લાલ સલામ’ vs તેરી બાતો મેં એસા ઉલજા જિયા :

આ યાદીમાં સાઉથની અન્ય એક મુવીનું નામ પણ સામેલ થયું છે. ‘લાલ સલામ’ 9 ફેબ્રુઆરીએ મોટા પડદા પર આવવા જઈ રહી છે. આ ફિલ્મમાં સાઉથના સુપરસ્ટાર રજનીકાંત લીડ રોલ ભજવી રહ્યા છે. આ મુવીમાં શાહિદ કપૂરની ‘તેરી બાતોં મેં ઐસા ઉલ્ઝા જિયા’ને ટક્કર આપશે. આ ફિલ્મમાં શાહિદ કપૂર સાથે કૃતિ સેનન જોવા મળવાની છે.

ડબલ સ્માર્ટ vs શૈતાન :

 સાઉથની ‘ડબલ સ્માર્ટ’ 8 માર્ચે સિનેમાઘરોમાં આવવા જઈ રહી છે. ફિલ્મમાં રામ પોથિનેની, વિશુ રેડ્ડી અને સંજય દત્ત મુખ્ય ભૂમિકામાં છે. તે જ સમયે જો મળતા અહેવાલોનો વિશ્વાસ કરવામાં આવે તો અજય દેવગનની ‘શૈતાન’ પણ તે જ દિવસે એટલે કે 8 માર્ચે રિલીઝ થઈ શકે છે.