જામનગરના આંગણે અખંડ રામધૂન ૫૯માં વર્ષમાં અવિરત રીતે આગળ વધી રહી છે. આ અખંડ રામધૂનનાં પ્રણેતા પ્રેમભિક્ષુજી મહારાજની ૫૩મી પુણ્યતિથિ નિમિતે તા. ૧૧-૦૪- ૨૦૨૩નાઆજ રોજ બાલા હનુમાન મંદિર સ્થિત પૂ. મહારાજની સમાધી પર પૂજન-આરતી કરવામાં આવી હતી, એ પછી ગઇકાલે સાંજે સંધ્યા આરતી નિયતક્રમ મુજબ કરાઈ હતી. જેમાં બહોળી સંખ્યામાં ભક્તજનો શ્રઘ્ધાપૂર્વક જોડાયા હતા. આ તકે રકતદાન કેમ્પ પણ યોજાયો હતો. કાર્યક્રમનોે સફળ બનાવવા પ્રમુખ જીતુભાઇ લાલ, મંત્રી વિનુભાઇ તન્ના, કિરીટભાઇ ભદ્રા, ઉદયસિંહ વાઢેર, કનુભાઇ કોટક,  ખજાનચી રવિન્દ્રભાઇ જોષી સહિતની સમગ્ર ટીમે જહેમત ઉઠાવી હતી.