ખંભાળિયા તાલુકાના કોઠા વિસોત્રી ગામે રહેતા રામશીભાઈ ધરણાંતભાઈ ગોજીયા નામના 42 વર્ષના યુવાન તેમની 17 વર્ષની પુત્રી રચનાબેનને સાથે લઈને તેમના જી.જે. 10 એ.જે. 3561 નંબરના મોટરસાયકલ પર બેસીને અહીંના દ્વારકા હાઈવે પર હર્ષદપુર નજીકથી પસાર થઈ રહ્યા હતા, ત્યારે આ માર્ગ પર પૂરઝડપે અને બેફિકરાઈપૂર્વક આવી રહેલા જી.જે. 03 બી.ઝેડ. 5656 નંબરના એક બોલેરો વાહનના ચાલકે રામશીભાઈ ગોજીયાના મોટરસાયકલ સાથે ધડાકાભેર અકસ્માત સર્જ્યો હતો. જેના કારણે પિતા-પુત્રીને નાની મોટી ઈજાઓ સાથે હોસ્પિટલમાં સારવાર આપવામાં આવી હતી. આ બનાવ અંગે ખંભાળિયા પોલીસે બોલેરોના ચાલક સામે જુદી જુદી કલમ હેઠળ ગુનો નોંધી, આગળની તપાસ હાથ ધરી છે.