ઉત્તર કોરિયાએ રશિયાની મદદ માટે તેના હજારો સૈનિકો મોકલતા અમેરિકા નારાજ, ઉત્તર કોરિયાની મદદથી યુદ્ધ આગળ વધશે તેવી યુએસની ભીતિ

યુક્રેન સાથે રશિયાનું એક વર્ષ કરતા વધુ સમયથી યુદ્ધ ચાલી રહ્યું છે અને તેના લીધે વિશ્વના અમુક દેશો વચ્ચેના સંબંધોના સમીકરણો બદલાયા છે. યુદ્ધ બાદ ઉત્તર કોરિયા અને રશિયા વચ્ચેના સંબંધો સૌહાર્દપૂર્ણ બન્યા છે. આ સમયગાળા દરમિયાન રશિયાના રાષ્ટ્રપતિ અને કોરિયાના તાનાશાહ પણ એકબીજાના દેશની મુલાકાત લઈ ચૂક્યા છે. જેના કારણે કિમ રાષ્ટ્રપતિ પુતિનની મદદ કરી રહ્યા છે.જે અમેરિકાને ગમતી વાત નથી.આથી યુએસ એ ઉત્તર કોરિયાના કિમ જોંગને ચેતવણી આપી હતી અને કહ્યું- કે સીધા રહેજો, બાકી તમારા સૈનિકોના મૃતદેહો બોરીઓમાં મોકલીશું’
ઉત્તર કોરિયાના સરમુખત્યાર કિમ જોંગ ઉને યુક્રેન વિરુદ્ધ ચાલી રહેલા યુદ્ધમાં રશિયાની મદદ માટે તેના હજારો સૈનિકો મોકલ્યા છે. આ નિર્ણય પર અમેરિકા ખૂબ જ નારાજ દેખાઈ રહ્યું છે, જેના પર બુધવારે સંયુક્ત રાષ્ટ્રમાં અમેરિકાના ડેપ્યુટી એમ્બેસેડર કિમ જોંગ ઉનને ચેતવણી આપી હતી કે રશિયા સાથે યુક્રેનમાં લડવા જઈ રહેલા ઉત્તર કોરિયાના સૈનિકો મૃતદેહને બેગમાં પરત મોકલી દેશે.અમેરિકાના રોબર્ટ વૂડે સુરક્ષા પરિષદને કહ્યું,  ડેમોક્રેટિક પીપલ્સ રિપબ્લિક ઓફ કોરિયા (ઉત્તર કોરિયા)ના સૈનિકોએ રશિયાના સમર્થનમાં યુક્રેનમાં પ્રવેશ કરવો જોઈએ નહી. હું તેમને કહેવા માંગુ છું કે માત્ર તેમના મૃતદેહો તેમના દેશમાં પરત કરવામાં આવશે.તેમને કિમને સલાહ આપી હતી કે આવી અવિચારી અને ખતરનાક બાબતોમાં ફસાતા પહેલા બે વાર વિચાર કરે.
યુદ્ધ બાદ ઉત્તર કોરિયા અને રશિયા વચ્ચેના સંબંધો સૌહાર્દપૂર્ણ બન્યા છે. આ સમયગાળા દરમિયાન રશિયાના રાષ્ટ્રપતિ અને કોરિયાના તાનાશાહ પણ એકબીજાના દેશની મુલાકાત લઈ ચૂક્યા છે. આ સિવાય નોર્થ કોરિયાએ રશિયાને ઘણા હથિયારો પણ આપ્યા છે, જેનો ઉપયોગ રશિયન સૈનિકોએ યુક્રેન વિરુદ્ધ યુદ્ધ માટે કર્યો છે.ઉત્તર કોરિયાના કારણે યુદ્ધ વધુ તીવ્ર બનશે
યુએસ ડિફેન્સ સેક્રેટરી લોયડ ઓસ્ટીને બુધવારે કહ્યું કે યુક્રેન સામેના યુદ્ધમાં રશિયાને ઉત્તર કોરિયાની મદદ યુદ્ધને વધુ તીવ્ર બનાવશે અને અઢી વર્ષથી ચાલી રહેલા યુદ્ધને વધુ વેગ આપશે. લગભગ 10,000 ઉત્તર કોરિયાના દળો પૂર્વી રશિયામાં પહેલેથી જ તૈનાત છે, ઓસ્ટિને જણાવ્યું હતું કે, તે બધા રશિયનમાં છે અને રશિયન સાધનો વહન કરે છે. આ સિવાય અમેરિકાએ માહિતી આપી હતી કે યૂક્રેનની સેનાએ ઓગસ્ટમાં કુર્સ્કમાં મોટી ઘૂસણખોરી કરી હતી અને ત્યાંના સેંકડો ચોરસ કિલોમીટર વિસ્તાર પર કબજો કરી લીધો હતો. જોકે, તેમણે ચાલી રહેલા સંઘર્ષ વચ્ચે ઉત્તર કોરિયાની એન્ટ્રી પર ચિંતા વ્યક્ત કરી હતી.