પી.એમ. મોદીએ વર્ચ્યુઅલી ખાતમુર્હુત કર્યું: આગેવાનો રહ્યા હાજર

ભાટીયા રેલ્વે સ્ટેશન ખાતે બારાડી વિસ્તારના અગ્રણી ઉદ્યોગપતિ દ્વારકાદાસભાઇ રાયચુરા (મોટાભાઇ)ના અઘ્યક્ષસ્થાને અમૃત ભારત સ્ટેશન યોજના અંતર્ગત રોડ, ઓવરબ્રીજ, અંડર પાસ સહિતના નવનિર્માણ રીનોવેશનના કાર્યક્રમમાં વડાપ્રધાન નરેન્દ્રભાઇ મોદી દ્વારા વર્ચ્યૂઅલ ઉપસ્થિત રહી વિવિધ પુન: વિકાસ કામોનું ઉદ્દઘાટન અને ખાતુમુર્હુત કર્યું હતું.
વિવિધ વિકાસકામોની શિલાન્યાસ વિધિ દ્વારકાદાસભાઇ રાયચુરા (મોટાભાઇ) ના વરદ્દ હસ્તે કરવામાં આવેલ ત્યારે તેમની સાથે ભાટીયા ગામના સામાજિક ક્ષેત્રના આગેવાનો ડી.એલ. પરમાર, નિલેશભાઇ કાનાણી, કેતનભાઇ મોટલા, રેલ્વેના દિપભાઇ તેમજ ઉકાભાઇ પરમાર, સોલંકી, ઉકાભાઇ કણઝારીયા સહિતના ગામના વિવિધ ક્ષેત્રોના આગેવાનો જોડાયા હતા.