શહેરમાં ભાદરવાનો તાપ આકરો બન્યો છે .૨૬ દિવસ બાદ તાપમાન ૩૫.૩ ડિગ્રી થતાં ભાદરવાના આકરા તાપથી લોકો ત્રસ્ત થયા છે.ભાવનગર જિલ્લામાં આજે ગુરૂવારે સતત છઠ્ઠા દિવસે  મેઘરાજાએ વિરામ પાળ્યો હતો. મહત્તમ તાપમાન  ૩૫.૩ ડિગ્રી રહયું હતું.જ્યારે લઘુતમ તાપમાન ૨૬.૧ ડિગ્રી રહયું હતું. પાલિતાણાના શેત્રુંજી ડેમમાં હાલ પાણીની આવક બંધ છે.ડેમની સપાટી  આજે બપોરે ૨૯  ફૂટ રહી હતી.
હવામાન વિભાગ દ્વારા ભાવનગર જિલ્લામાં આજે ગુરૂવારે  બપોર સુધી મેઘવિરામ રહયો હતો. ચોમાસાના અંતમાં ભાવનગર શહેરના લોકો સારા ધોધમાર વરસાદની રાહમાં છે. પાલિતાણાના શેત્રુંજી ડેમમાં હાલ  પાણીની આવક બંધ છે.આથી ડેમની સપાટી  આજે બપોરે ૨૯ ફૂટ યથાવત રહી હતી. પાલિતાણાના શેત્રુંજી ડેમમાં પાણીની આવક સારા પ્રમાણમાં થતાં લોકો અને ખેડૂતો ખુશખુશાલ થયા છે. ભાવનગર શહેરમાં  મહત્તમ તાપમાન ૩૫.૩ ડિગ્રી રહયું હતું.૨૬ દિવસ બાદ મહત્તમ તાપમાન ૩૫ ડિગ્રીને પાર થયુ હતુ.ભાદરવાના આકરા તાપથી લોકો ત્રસ્ત થયા છે.ભેજ વધુ રહેતા અસહય બફારો લોકોને રોજ તોબા પોકરાવી દે છે.દરરોજ વાદળો છવાય છે,સામાન્ય ઝાપટા પડે છે.ભાવનગર શહેરમાં લોકો સારા વરસાદની રાહમાં છે.
શહેરનું મહત્તમ તાપમાન ૦.૭ વધીને ૩૫.૩ ડિગ્રી  રહયું હતુ. લઘુતમ તાપમાન ૧.૩ ડિગ્રી વધીને ૨૬.૧ ડિગ્રી નોંધાયુ હતુ. આજે ગુરૂવારે  સવારે ભેજ ૮૨ ટકા  રહયો હતો.જ્યારે પવનની ઝડપ આજે સવારે ૧૨ કિ.મી. રહી હતી. 
ભાદરવા માસના મધ્યમાં ગરમીનું જોર વઘ-ઘટ થયા કરે છે. પરંતુ ભેજ વધુ રહેતા બફારો વધ્યો છે.આથી લોકો ભારે ત્રસ્ત થયા છે. સપ્ટેમ્બર મહિનાના ત્રીજા સપ્તાહમાં  લઘુત્તમ અને મહત્તમ તાપમાનમાં વઘ -ઘટ થયા કરે છે.