ભાગ્યે જ કોઈ એવું હશે જે ગૂગલમાં કામ કરવા માંગતા ન હોય. વિશ્વની સૌથી મોટી અને સૌથી તેજસ્વી કંપનીઓમાંની એક તેના કર્મચારીઓની શ્રેષ્ઠ કારકિર્દીની ખાતરી જ નહીં પરંતુ તેમને તમામ પ્રકારની સુવિધાઓ પણ પૂરી પાડે છે. આ જ કારણ છે કે લોકો કોઈને કોઈ રીતે ગૂગલમાં નોકરી મેળવવા ઈચ્છે છે. ફ્રેશર્સ ગૂગલમાં જોબ કરવા અથવા તો ઇન્ટર્નશિપ કરવા માટે બેચેન હોય છે. જો તમે પણ Googleમાં ઇન્ટર્નશિપ કરવા માંગો છો, તો આ એક શ્રેષ્ઠ તક છે.

ઇન્ટર્નશિપ માટે અરજીઓ આમંત્રિત

ગૂગલે સોફ્ટવેર એન્જિનિયરિંગમાં ઇન્ટર્નશિપ માટે અરજીઓ આમંત્રિત કરી છે. પસંદ કરેલા ઉમેદવારો પુનરાવર્તિત કાર્યોને સ્વચાલિત કરવા, કાર્યક્ષમતા અને કાર્યપ્રવાહમાં સુધારો કરવા માટે સ્ક્રિપ્ટ્સ વિકસાવશે અને જાળવશે. ઉમેદવારો ડેટાનું પૃથ્થકરણ કરવા અને પરિણામોનું મૂલ્યાંકન કરવા માટે સમસ્યાનું નિરાકરણ કરવાના સૌથી અસરકારક ઉકેલોને ઓળખવા માટે કામ કરશે. એટલું જ નહીં ઉમેદવારો પડકારોને ઉકેલવા માટે કમ્પ્યુટર વિજ્ઞાનના સિદ્ધાંતો અને જ્ઞાનનો ઉપયોગ કરશે.

કોણ અરજી કરી શકે છે?

જેમણે સોફ્ટવેર એન્જિનિયરિંગ કર્યું છે અથવા કોર્સના છેલ્લા વર્ષમાં છે. તેઓ ગૂગલમાં ઇન્ટર્નશિપ માટે અરજી કરી શકે છે. ઉપરાંત ઉમેદવારને સોફ્ટવેર ડેવલપમેન્ટનો અનુભવ હોવો જોઈએ. કોડિંગના અનુભવની સાથે એક અથવા વધુ Java, JavaScript, C, C++, Python અથવા સંબંધિત ભાષાઓનો અનુભવ હોવો જોઈએ.

આ કુશળતા પણ ઉપયોગી થશે

ઇન્ટર્ન્સની પસંદગી માટે ગૂગલે એમ પણ કહ્યું છે કે તે ચોક્કસ કોર્સમાં અનુભવ ધરાવતા લોકોને પ્રાધાન્ય આપશે. Google માહિતી પુનઃપ્રાપ્તિ, નેચરલ લેંગ્વેજ પ્રોસેસિંગ, નેટવર્કિંગ, ડેવલપિંગ લાર્જ સોફ્ટવેર સિસ્ટમ્સ, સિક્યુરિટી સિસ્ટમ્સ, સિક્યુરિટી સોફ્ટવેર ડેવલપમેન્ટ, વેબ એપ્લિકેશન ડેવલપમેન્ટ, મોબાઈલ એપ્લિકેશન ડેવલપમેન્ટ અથવા મશીન લર્નિંગનો અનુભવ ધરાવતા ઉમેદવારોને પ્રાધાન્ય આપશે.

અહીં અરજી કરી શકો છો

Googleની જરૂરિયાત મુજબ ક્ષમતા અને લાયકાત છે, તો સત્તાવાર વેબસાઇટ google.com/about/careers પર જઈને Google ઇન્ટર્નશિપ 2024 માટે અરજી કરી શકો છો. રસ ધરાવતા અને લાયક ઉમેદવારોને પસંદ કર્યા પછી  Google તેમનો ઈ-મેલ દ્વારા સંપર્ક કરશે.

2025થી શરૂ થશે

ગૂગલની આ વિન્ટર ઈન્ટર્નશિપ આવતા વર્ષે એટલે કે જાન્યુઆરી 2025થી શરૂ થશે અને તે 22-24 અઠવાડિયા સુધી ચાલશે. જો Google માં કોઈ પ્રકારનું કરિયર શોધી રહ્યા છો અથવા ઇન્ટર્નશિપ કરવા માંગો છો તો આ શ્રેષ્ઠ તક છે.