રાણાવાવ નગરપાલિકા દ્વારા પ્લાસ્ટિકના ધંધાર્થીઓને ત્યાં પ્રતિબંધિત પ્લાસ્ટિકનું ચેકીંગ કરાયું હતુ. વિશ્ર્વ પર્યાવરણ દિવસની ઉજવણીના ભાગ‚પે રાણાવાવ નગરપાલિકા દ્વારા પ્લાસ્ટિકનું વેચાણ કરતા દુકાનદારોને ત્યાં પ્રતિબંધિત પ્લાસ્ટિકનું ચેકિંગ કરવામાં આવ્યું હતું. આગામી પાંચ જુને વિશ્ર્વ પર્યાવરણ દિવસની ઉજવણી  અંતર્ગત તા.૨૨ મે થી તા.૫ જુન સુધી જિલ્લામાં વિવિધ વિભાગો દ્વારા પર્યાવરણના સંરક્ષણ માટે પ્રતિબંધિત સિંગલ યુઝ પ્લાસ્ટિકનો ઉપયોગ લોકો ન કરે તે માટેની જાગૃતિના સહિતનાં અનેક કાર્યક્રમો યોજવામાં આવી રહ્યા છે જે અંતર્ગત રાણાવાવ નગરપાલિકા દ્વારા શહેરની પ્લાસ્ટિકનું વેચાણ કરતી દુકાનોમાં પ્રતિબંધિત પ્લાસ્ટિક ચેકિંગ હાથ ધરવામાં આવ્યું હતું.