મહારાષ્ટ્રના બદલાપુરમાં બે છોકરીઓના યૌન શોષણ બાદ હવે અકોલામાંથી પણ આવો જ એક કિસ્સો સામે આવ્યો છે. જ્યાં કાઝીખેડની જિલ્લા પરિષદ શાળાના શિક્ષક પ્રમોદ સરદાર પર શાળાની વિદ્યાર્થિનીઓની છેડતીનો આરોપ લાગ્યો છે. આરોપીએ છ વિદ્યાર્થીનીઓને અશ્લીલ વીડિયો બતાવીને તેમનું યૌન શોષણ કર્યું હતું. મંગળવારે આ ઘટના પ્રકાશમાં આવી, જ્યારે વિદ્યાર્થીનીઓએ ઘરે જઈને તેમના માતા-પિતાને આ અંગે જાણ કરી.
જણાવવામાં આવી રહ્યું છે કે, જિલ્લા પરિષદ હાયર સેકન્ડરી સ્કૂલમાં પ્રમોદ સરદાર નામનો શિક્ષક છેલ્લા ચાર મહિનાથી આઠમા ધોરણની વિદ્યાર્થીનીઓને અશ્લીલ વીડિયો બતાવી રહ્યો હતો અને તેમને અયોગ્ય રીતે સ્પર્શ કરી રહ્યો હતો. એક વિદ્યાર્થીએ બાળ કલ્યાણ કેન્દ્રની ટોલ-ફ્રી હેલ્પલાઈન પર ફોન કરીને ઘટનાની જાણકારી આપી, ત્યારબાદ કેન્દ્રના અધિકારીઓ શાળાએ પહોંચ્યા અને મામલાની તપાસ શરૂ કરી.
શિક્ષકે અશ્લીલ વીડિયો બતાવીને વિદ્યાર્થિનીઓનું કર્યું યૌન શોષણ
ઉરલ પોલીસે તાત્કાલિક કાર્યવાહી કરીને શિક્ષક પ્રમોદ સરદાર વિરુદ્ધ ગંભીર કલમો હેઠળ કેસ નોંધીને તેની ધરપકડ કરી છે. એસએચઓ ગોપાલ ઢોલેએ કહ્યું કે, મામલાની ગંભીરતાથી તપાસ કરવામાં આવી રહી છે અને આરોપીઓ સામે કડક કાર્યવાહી કરવામાં આવશે. ધારાસભ્ય વસંત ખંડેલવાલે કહ્યું કે, આ મામલાની ગંભીરતાથી તપાસ થવી જોઈએ.
આ મામલે મહારાષ્ટ્ર રાજ્ય મહિલા આયોગની પૂર્વ સભ્ય આશા મિર્ગેએ આકરી પ્રતિક્રિયા આપી છે અને આરોપી શિક્ષક સામે કડક કાર્યવાહી કરવાની માંગ કરી છે. જણાવી દઈએ કે, મહારાષ્ટ્રના થાણે જિલ્લાના બદલાપુરમાં એક ખાનગી શાળામાં 3 અને 4 વર્ષની બે કે.જી.માં ભણતી છોકરીઓના યૌન શોષણની ઘટના બાદ દરેક જગ્યાએ વિરોધ થઈ રહ્યો છે. અહીં લોકલ ટ્રેનના રેલ્વે ટ્રેક પર હજારોની ભીડ ઉતરી આવી હતી. ટોળાએ પોલીસ પર પણ પથ્થરમારો કર્યો હતો.
આ ઘટના 12 અને 13 ઓગસ્ટે બની હતી, આદર્શ સ્કૂલમાં 23 વર્ષના સફાઈ કામદાર અક્ષય શિંદેએ બંને છોકરીઓનું યૌન શોષણ કર્યું હતું. જે બાદ બંને યુવતીઓ શાળાએ જતા ડરતી હતી. માતા-પિતાને શંકા ગઈ અને તેઓએ છોકરીઓને વિશ્વાસમાં લઈને પૂછપરછ કરી તો ઘટના પ્રકાશમાં આવી. યુવતીના માતા-પિતાએ સામાજિક કાર્યકરોની મદદથી બદલાપુર પોલીસ સ્ટેશનમાં ફરિયાદ નોંધાવી હતી. બે દિવસ બાદ 16મી ઓગસ્ટ શુક્રવારે મોડી રાત્રે કેસ નોંધવામાં આવ્યો હતો. આરોપીની 17 ઓગસ્ટે ધરપકડ કરવામાં આવી હતી.
ઘટનાના કારણે રોષે ભરાયેલા લોકોએ પાટા પર ઉભા રહીને વિરોધ કર્યો
મંગળવારે સવારે 8 કલાકે ગુસ્સે ભરાયેલા લોકોએ બદલાપુર રેલવે સ્ટેશનના પાટા પર ઉભા રહીને વિરોધ શરૂ કર્યો હતો. ઘણી ટ્રેનો રોકી દેવામાં આવી હતી. ભીડને કાબૂમાં લેવા પોલીસે દેખાવકારો પર લાઠીચાર્જ કર્યો હતો. પોલીસ પર પથ્થરમારો પણ કરવામાં આવ્યો હતો, પોલીસે આરોપી અક્ષયને 21મી ઓગસ્ટ સુધીના રિમાન્ડ પર લીધો હતો. સ્કૂલ મેનેજમેન્ટે પ્રિન્સિપાલ, ક્લાસ ટીચર અને એક લેડી એટેન્ડન્ટને સસ્પેન્ડ કરી દીધા છે. બદલાપુરમાં ઈન્ટરનેટ સેવા બંધ કરી દેવામાં આવી છે. રાત્રે 8 વાગ્યે સ્ટેશનથી લોકલ ટ્રેનોની અવરજવર શરૂ થઈ.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationઆરાધ્યા બચ્ચને શિવ રાજકુમારના ચરણસ્પર્શ કરી સંસ્કૃતિ ઉજાળી
September 19, 2024 12:48 PMહેમા અને સંજીવનો એક પણ સીન સાથે આવવો ન જોઈએ
September 19, 2024 12:42 PMપ્રેમ સંબંધને બચાવવા લીધો બ્લેક મેજિકનો સહારો
September 19, 2024 12:39 PMસોરી..આ સ્ટેજ મારું મંદિર છે, અહી ફૂડ ન રાખો
September 19, 2024 12:35 PMદીકરી ની પા પા પગલી થતા જ દીપિકાનું નસીબ ખુલ્યું, વધુ એક પ્રોપર્ટી ખરીદી
September 19, 2024 12:34 PMCopyright © 2023-2024 Aajkaal Daily
Developed by Rhythm Infotech