શહેરના રીંગ રોડ પર ગોવર્ધન ચોક પાસે બીઆરટીએસ બસના ચાલકે સ્ટેયરીંગ પરનો કાબુ ગુમાવતા બસ અહીં બીઆરટીએસના બસ સ્ટોપ સાથે અથડાઈ હતી. અકસ્માતની આ ઘટનામાં બસના ચાલકને ઈજા પહોંચતા તેને સારવાર માટે હોસ્પિટલ ખસેડવામાં આવ્યો હતો. જો કે, ચાલકને સામાન્ય ઇજા પહોંચી હોય અહીં પ્રાથમિક સારવાર આપવામાં આવી હતી. બીઆરટીએસ ટ્રેક પર સર્જાયેલી અકસ્માતની આ ઘટનાને પગલે અહીં લોકોના ટોળા એકત્ર થઈ ગયા હતા.
યારે અન્ય એક ઘટનામાં આજરોજ ભકિતનગર સર્કલ પાસે સાયકલ લઈને જઈ રહેલા દિલીપભાઈ મગનભાઈ નાંઢા(ઉ.વ ૮૦ રહે. શ્રદ્ધાપાર્ક, હરિધવા રોડ) ને સિટી બસના ચાલકે હડફેટે લેતા વૃદ્ધ સાયકલ પરથી રોડ પર પટકાયા હતા જેથી તેઓને ઈજા પહોંચતા તેમને સારવાર માટે સરકારી હોસ્પિટલ ખસેડવામાં આવ્યા છે. આ અંગે હોસ્પિટલ ચોકીના સ્ટાફે વૃદ્ધનું નિવેદન લઇ આગળની કાર્યવાહી હાથ ધરી છે