પશ્ચિમ બંગાળના સીએમ મમતા બેનર્જીએ મંગળવારે વિધાનસભામાં બળાત્કાર વિરોધી બિલ 'અપરાજિતા વુમન એન્ડ ચિલ્ડ્રન બિલ (વેસ્ટ બંગાળ ક્રિમિનલ લો એન્ડ એમેન્ડમેન્ટ) બિલ 2024' રજૂ કર્યું હતું. અપરાજિતા બિલ રજૂ કરતી વખતે સીએમ મમતા બેનર્જીએ કેન્દ્ર સરકાર અને ભાજપ પર જોરદાર નિશાન સાધ્યું હતું. ચર્ચા દરમિયાન, મમતા ભાજપના નારા પર ગુસ્સે થઈ ગયા અને યુપી સહિત અન્ય રાજ્યોમાં બળાત્કારની ઘટનાઓનો ઉલ્લેખ કરીને પીએમ મોદી પાસેથી રાજીનામું માંગવાની સલાહ આપી.
આરજી કર મેડિકલ કોલેજ અને હોસ્પિટલમાં તાલીમાર્થી ડૉક્ટરના મૃત્યુ પર શોક વ્યક્ત કરતા મમતા બેનર્જીએ કહ્યું કે, પશ્ચિમ બંગાળ પોલીસે 12 કલાકની અંદર આરોપીની ધરપકડ કરી લીધી છે. હવે આ કેસ સીબીઆઈના હાથમાં છે. હવે અમે સીબીઆઈ પાસેથી ન્યાય ઈચ્છીએ છીએ. તેમણે આરોપ લગાવ્યો કે, ભાજપ આના પર રાજનીતિ કરી રહી છે. સીએમએ દાવો કર્યો કે, આ એક ઐતિહાસિક બિલ છે અને ભારતીય ન્યાયિક સંહિતા કરતાં વધુ કડક છે. આ કાયદો અમલમાં આવશે, જેને ઇતિહાસ યાદ રાખશે.
મમતા બેનર્જીના રાજીનામાની માંગ સાથે સૂત્રોચ્ચાર કરાયા
બિલની રજૂઆત દરમિયાન, ભાજપના સભ્યોએ મમતા બેનર્જીના રાજીનામાની માંગ સાથે સૂત્રોચ્ચાર કર્યા હતા. તેના જવાબમાં તેણે કહ્યું કે પહેલા પીએમ મોદીએ રાજીનામું માંગવું જોઈએ. બિલ પર ચર્ચા દરમિયાન મમતા બેનર્જીએ કહ્યું કે, જ્યારે આરજી કર મેડિકલ કોલેજમાં બળાત્કારની ઘટના બની ત્યારે તે ઝારગ્રામમાં હતી. તેણે જણાવ્યું કે, ઘટના બાદ તેણે 12 ઓગસ્ટે પીડિત પરિવાર સાથે વાત કરી હતી અને તેમને ન્યાય અપાવવાનું આશ્વાસન આપ્યું હતું. સીએમએ દાવો કર્યો હતો કે, તેમણે કેસને ફાસ્ટ ટ્રેક કોર્ટમાં લઈ જવાનો પ્રયાસ કર્યો હતો, પરંતુ હાઈકોર્ટે કેસ સીબીઆઈને સોંપી દીધો હતો. તેણે કહ્યું કે, હવે તે બળાત્કારના ગુનેગારોને ફાંસીની સજા ઈચ્છે છે. આ બિલ રજૂ કરતા પહેલા વિપક્ષના નેતા સુવેન્દુ અધિકારીએ સુધારાની માંગ કરી હતી. જેના જવાબમાં મુખ્યમંત્રીએ રાજ્યપાલને તેના પર હસ્તાક્ષર કરવાની માંગ કરી હતી. તેમણે દાવો કર્યો કે કોલકાતા શહેર મહિલાઓ માટે સુરક્ષિત છે અને આ રિપોર્ટ કેન્દ્ર સરકાર દ્વારા આપવામાં આવ્યો છે.
મમતાએ અપરાજિતા બિલ વિશે શું કહ્યું?
પશ્ચિમ બંગાળના મુખ્યમંત્રી મમતા બેનર્જીએ કહ્યું કે અપરાજિતા બિલ મહિલાઓની ઉત્પીડન અને બળાત્કાર જેવા મામલામાં કડક સજા સુનિશ્ચિત કરશે. આ અંતર્ગત અપરાજિતા ટાસ્ક ફોર્સની રચના કરવામાં આવશે, જેમાં પ્રાથમિક રિપોર્ટના 21 દિવસની અંદર સજા આપવામાં આવશે. તેમણે કહ્યું કે આરોગ્ય સચિવને પ્રવાસ દરમિયાન નર્સો અને મહિલા ડોકટરોની સુરક્ષા સુનિશ્ચિત કરવા સૂચના આપવામાં આવી છે. આ માટે મેં 120 કરોડ રૂપિયા મંજૂર કર્યા છે. દરેક જગ્યાએ સીસીટીવી કેમેરા લગાવવામાં આવશે. જ્યાં શૌચાલય નથી ત્યાં વ્યવસ્થા કરવામાં આવશે. આ ઉપરાંત 'રાત્રિ સાથી' માટે પણ જોગવાઈ કરવામાં આવી છે, જેમાં મહિલાઓ 12 કલાક ડ્યુટી કરશે તેવો નિર્ણય લેવામાં આવ્યો છે. આ બિલ વિધાનસભા દ્વારા પસાર થયા પછી, તે રાજ્યપાલ પાસે જશે અને તેમની મંજૂરી પછી તે રાષ્ટ્રપતિ પાસે જશે. રાષ્ટ્રપતિના હસ્તાક્ષર થતાં જ આ ઈતિહાસ બની જશે. દરેક રાજ્ય આ મોડલ અપનાવશે. વડાપ્રધાન આ ન કરી શક્યા તેથી અમે આ કરી રહ્યા છીએ.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationઅસીમ મુનીર ઓસામા જેવો આતંકવાદી ભારતે પાકિસ્તાનનું ગળું ઘોંટી નાખવું જોઈએ
April 24, 2025 11:10 AMવેસ્ટ ટુ એનર્જી પ્લાન્ટ એકાએક બંધ: નોટીસ ઇસ્યુ
April 24, 2025 11:09 AMઆરોગ્ય તંત્ર દ્વારા લૂ (હિટ વેવ) લાગવાથી રક્ષણ મેળવવા અંગેની માર્ગદર્શિકા જાહેર
April 24, 2025 11:06 AMગૌતમ ગંભીરને 'ISIS કાશ્મીર' તરફથી મળી જાનથી મારી નાખવાની ધમકી
April 24, 2025 11:04 AMરણજીતસાગર રોડ ઉપર સતત બીજા દિવસે દબાણ હટાવ ઝુંબેશ
April 24, 2025 11:00 AMCopyright © 2023-2024 Aajkaal Daily
Developed by Rhythm Infotech